Deel 4 - Nuweopenbaring::: Welkom by Die Nuwe Openbaring

is en weer moet word nie, wanneer julle opgeroep word om te werk vir die
Ryk van Jesus, maar julle geen uitleg gegee word waaruit hierdie arbeid
bestaan en waarom dit verrig moet word nie, dan sal julle dit tereg kan
afwys as hol frases wat julle maar net moet oorbluf maak. En julle sal julle
moet afvra of julle waarlik wins sou kan bekom wanneer glad niks anders
aan julle bekend sou wees nie, as wanneer julle, as totaal onwetend, slegs
uit sulke mededelinge duidelikheid sou moes verkry het. Julle sou waarlik
geen enkele wins kan behaal nie, omdat alles slegs leë woorde is, wat
alleenlik van My teenstander uitgaan om julle in die war te bring en die
suiwer waarheid van julle verwyderd te hou.
Steeds weer sal hy probeer om ook in My geledere verwarring te saai,
omdat ook onder Myne verskillende menings bestaan en die mense vir die
geestelike strewe moeg word, wanneer daar nie vir hulle volledige
duidelikheid geskenk word nie. Maar julle besit al soveel lig, dat julle ook sy
aktiwiteite, sodra julle dit onbevooroordeeld sou ondersoek, sal herken.
Neem daarom steeds slegs die weg na My en wens vir duidelikheid en julle
sal dit in die hart voel wat julle sal kan aanneem en wat julle sal moet
verwerp. Want die mag van My teenstander is gebreek sodra hy dit by
diegene wil gebruik wat deur hulle wil al aan My behoort, want hulle sal Ek
beskerm teen dwaling, omdat hulle die waarheid begeer. Amen
Verlossend saamwerk in die eindtyd
8411 14 Februarie 1963
Wanneer julle julleself vir My ter beskikking stel, dat julle My medewerkers
wil wees in die laaste tyd voor die einde, dan hoef julle ook nie bang te
wees dat julle nie opgewasse sal wees vir hierdie arbeid nie, want Ek weet
waar Ek julle kan gebruik, sodat julle suksesvol besig sal wees. Die
kapasiteit van elke mens is anders en na gelang van hierdie kapasiteit sal
Ek julle ook die arbeid toewys en is julle bereid om My te dien, dan sal
hierdie arbeid ook goed afgaan. En omdat daar in die eindtyd, voor alles sal
gebeur, ‘n lig aan die mensdom gebring sal word, kies Ek vir My ook die
ware ligdraers uit. Mense in wie Ek ‘n ware lig kan ontsteek en wat nou ook
dienswillig is om die lig te versprei, wat self in die lig van hulle insig op
hoogte is van die liglose toestand van die medemens en al hulle kragte
inspan om hierdie toestand te verander.
Die uitstraling van die lig, die verspreiding van My Woord, is ‘n belangrike
werk, wat ’n verlossende gevolg kan hê en ook sal hê, omdat My woord
krag in homself is en sy uitwerking nie mis nie. Maar die taak vereis
deursettingsvermoë, wilskrag en ‘n liefdevolle hart wat tot hulp bereid is,
dit vra ‘n voortdurende verbintenis met My, voortdurende bereidheid om
die ligstrale van My in ontvangs te neem, dus onvermoeibare geestelike
aktiwiteit, wat nie baie mense wil verrig nie: Maar in volkome vrye wil moet
hierdie arbeid vir My verrig word, dan eers sal hy die sukses hê dat die
128