Deel 4 - Nuweopenbaring::: Welkom by Die Nuwe Openbaring

Waar Ek op aarde ’n persoon met My bediening toevertrou moet hy met
voldoende geestelike kennis toegerus wees wat geen leemtes laat nie,
sodat hy instaat sal wees om enige vrae te kan beantwoord wat aan hom
gestel mag word.
Wat ‘n mens ook al wil weet, hy sal altyd ‘n antwoord kan kry by hulle wie
Ek direk deur die Gees onderrig en wat al die nodige kennis sal hê.
Nietemin sal hulle ook stadig aan dit voorgestel word en Ek is altyd bewus
wanneer hulle bepaalde kennis nodig het om vrae te beantwoord.
En so berei Ek hulle mettertyd voor, of Ek beantwoord direk vrae soos Ek
julle uitgenooi het om My te vra wanneer één of andere vraag julle hinder.
Maar julle wat verlang om dinge te weet sal altyd na die bron moet gaan
waar julle die waarborg het dat julle die waarheid van My ontvang. Moet
nie toelaat dat ‘n oningeligte mens julle onderrig nie, hulle wat nie na die
bediening geroep is deur My nie.
Elkeen wat My wil dien is welkom as arbeider in My wingerd. Maar Ek wys
hom die bepaalde plek aan waar hy die meeste geskik is om vir My te werk
en so het elkeen van My dienaars ‘n ander taak.
Nie elke arbeider in My wingerd kan ‘n leraar wees nie, maar hy kan help
om die waarheid te versprei deur die regte leerstellings deur te gee en te
sien dat die waarheid uit My versprei word.
Hy kan ook, om hierdie leer deur te gee, My direk oorgedraagde Woord,
mondeling voorlees vir sy medemens, wat dienooreenkomstig krag sal
uitstraal en mense sal beïndruk soos My direkte aanspreking.
Maar nie elkeen moet dink dat hy My wil vervul wanneer hy gebruik maak
van ‘n kennis wat hy deur My Woord ontvang het en dink dat hy die reg en
die bekwaamheid besit om te onderrig nie, hy moet eers uit die diepte van
sy hart vir verligting van sy gees vra, sodat Ek Self deur hom kan praat,
selfs as hy sy eie woorde gebruik.
Dan sal sy toespraak eenvoudig en duidelik wees en sal die hart van elkeen
wat van goeie will is raak. Maar sodra die mens begin intellektuele
interpretasies te gee, gee hy nie meer “My Woord” deur nie en sal nie baie
sukses hê nie. Dan werk hy nie in My wingerd nie omdat hyself nog teveel
in die voorhoede is wanneer hy die werk aan My moet oorlaat.
‘n bediening vereis konstante direkte onderrig deur My wat die leraar van
begrip en ‘n ware oordeel voorsien wat hom toelaat om te onderrig.
Wanneer Ek My Woord direk na die aarde stuur sodat dit neergeskryf kan
word, dan moet dit wat geskryf is ook deurgegee word aan julle
medemens. Vir die taak benodig Ek gelowige dienaars wat alles sal doen
om My Woord te versprei en Ek sal hulle vir dit seën, omdat die
verspreiding van “My Woord” tydens die finale tyd vóór die einde die mees
effektiewe teenmaatreël is om die aktiwiteit van My teenstander in
bedwang te hou, wat bly poog om die mense in uiterste duisternis te hou
deur valsheid en dwaling.
366