Deel 4 - Nuweopenbaring::: Welkom by Die Nuwe Openbaring

homself in mediumieke staat deur die mond van ‘n mens uiter, wat
derhalwe nie gekontroleer kan word deur welke Gees hy in besit geneem is
nie. ‘n Ondersoek moet altyd eers ingestel word, want hoewel
waarheidsgetroue mededelinge ook in ‘n mediumieke toestand na die aarde
kan kom, sal so ‘n geweldige omvangryke kennis tog nooit op hierdie wyse
tot die mens kom wat volledige opheldering gee oor My Ewige heilsplan van
ewigheid nie.
Daar kan dan wel gedeeltelike waarhede oorgebring word, maar daar kan
in dieselfde mate ook verkeerde leringe binnestroom, soos die van die valse
voorstellinge van die Godheid in Jesus, waarvan ‘n korrekte opvatting egter
van die grootste belang is. En sodra die mense, juis in die opsig, verkeerd
onderrig word, verkeer hulle steeds nog in dwaling en elke dwaling het ‘n
noodlottige uitwerking op die siel van die mens. Nie sonder rede nie gee Ek
juis daaroor steeds weer opheldering, omdat die verlossingswerk van Jesus
Christus en My menswording volledig begryp moet word deur julle. Want
dit is die doel van julle aardse bestaan, dat julle vry van skuld is wanneer
julle die ryk hierna ingaan.
En slegs wanneer julle ‘n waarheidsgetroue opheldering oor die
verlossingswerk van Jesus Christus besit, sal julle bewustelik die weg na
die kruis gaan. Julle wat julle erkenning eertyds van My weerhou het, sal
My weer bewustelik erken in vrye wil. Solank die probleem van die
menswording egter nog nie vir julle korrek opgelos is nie, dwaal julle nog
rond in die duisternis van Gees.
En word julle nou vanuit die geesteryk onderrig deur hulle wat van My die
opdrag gekry het om julle te onderrig en julle My Woord laat toekom, dan
sal hierdie ligwesens julle in die eerste plek die belangrike kennis bring.
Daar aan herken julle dan die "werksaamheid van My Gees" in julle. Dan
hoef julle nie te vrees om deur ander geestelike kragte gebruik te word,
wat hulself ook goed vermom en beweer om julle leiers te wees nie en tog
self nie die kennis besit dat hulle julle kan onderrig nie.
Dog, julle mense weet nie hoe My teenstander op die mense sowel as op
die nog onvolwasse wesens in die hiernamaals inwerk nie. Julle weet nie
dat hy alles probeer om die suiwer waarheid te ondermyn, en die mense te
laat glo dat hulle in die waarheid wandel nie. Hulle handige vermomming
sal baie onheil aanrig, omdat die mense hulself laat gebruik en hulself te
liggelowig is, want dit ontbreek hulle aan ‘n korrekte oordeelsvermoë. Hulle
verwar die uitstraling uit die bonatuurlike sfere met "die werksaamheid van
My Gees" wat onweerlegbare waarheid skenk aan hulle wat van My af die
opdrag het om die waarheid uit te dra in die wêreld. En hierdie waarheid
moet julle aanneem en My Wil vervul. Julle moet nie slegs “na My Woord”
luister nie, maar ook daarvolgens handel en julle sal dan ook self toelaat
dat My Gees in julle werk. Julle sal dan ook nie meer hoef te twyfel en te
vra nie, maar weet dat julle in die waarheid vasstaan. Amen
133