Deel 4 - Nuweopenbaring::: Welkom by Die Nuwe Openbaring

totaal verkeerde gevolgtrekkings postuleer (veronderstel) wat die leser,
wat nog in die goddelike ordening verkeer, geen voldoening kan gee nie. En
slegs die aanhangers van die teenstander sal dit staaf en aanneem. Tog sal
hulle siele niks daarby wen nie, inteendeel sal hulle dit wat hulle nog besit,
verloor.
En so sal die mees verskillende talente misbruik word op aandrang van die
teenstander. Wat hulle nou in die lewe roep, sal steeds verwronge beelde
wees van dit wat Ek aan die mense gegee het om hulle gelukkig te maak.
Hande, oë en ore word in hulle funksies misbruik, die uitwerking daarvan
sal disharmonies en vervorm wees, want hulle word gelei deur hom wat
teen die goddelike ordening is, teen die volmaakte is en wat die mense ook
tot hulle werksaamhede aanspoor om hulself teen My te draai, deurdat
hulle werke tot stand bring wat alles bewys, behalwe goddelike gawes wat
die mens ontvang het, wat veelmeer hulle oorsprong het in ‘n gebied
waarin alles buite die ordening getree het.
En dat hierdie voortbrengsels van sataniese werksaamheid ook weer hulle
instemming vind, dui die geestestoestand van die mense aan, want hulle is
nie van nature so geskape nie en dit ontbreek hulle om iets korrek te
beoordeel, veeleer verwar hulle ongelowigheid hulle sinne, hulle kan nie
helder dink nie, selfs wanneer hulle verstand, aards gesien, skerp is, maar
hulle geestelike blindheid kom in hulle foutiewe oordeel tot uitdrukking,
hulle het nie meer die vermoë om harmonie en disharmonie te onderskei
nie en steeds meer mense, met dieselfde geestelike gesindheid, sluit hulself
by hulle en hulle oordeel aan.
En hierdie misvorming van kreatiewe voortbrengsels is maar net ‘n teken
van die groot geestelike verwarring, ‘n teken van die openlike
werksaamheid van My teenstander en daardeur ook ‘n teken van die nabye
einde, want ‘n volwassewording van die siel is nie meer gewaarborg nie,
omdat hy homself spoedig nie meer in die goddelike ordening sal bevind
nie. Al My skeppings getuig van Wysheid, Liefde en Almag en Hulle moet
ook te sien wees in die menslike skepsele en werksaam wees, alles moet
harmonie uitstraal en die mens se siel wat op My gerig is, weldadig wees.
Wie egter deur sy verkeerde instelling teenoor My, nog van My verwyderd
is, deur ongeloof of ‘n lewe in dwaling, mis ook die gevoel vir welke
harmonie dan ook, omdat sy siel nog behoort aan hom wat My teenstander
is. Amen
Hulpvaardigheid van die beliggaamde ligwesens
8664 5 November 1963
Julle kan dit gerus glo dat dit sleg met die mense gesteld sou wees in die
laaste tyd voor die einde, as Ek nie steeds weer ligbodes na die aarde sou
stuur nie, wat aan hulle lig en krag regstreeks vanuit My bring. Wat so
daartoe bydra, dat tenminste nog van die mense gered word, wat nog nie
geheel aan My teenstander ten prooi geval het nie.
292