Deel 4 - Nuweopenbaring::: Welkom by Die Nuwe Openbaring

kennis nie. Hy gaan deur die lewe in digte geestelike duisternis en kan deur
sy blindheid ook die ware weg nie vind nie. Ek wil egter alle mense ter
oorweging gee dat hulle eertyds van My uitgegaan het. Dat hulle hul
vrywillig van My afgewend het en in die diepte geval het, dat hulle nou deur
My liefde weer uit hierdie diepte omhoog gehelp word omdat My liefde vir al
die deur My geskape onmeetlik groot is en dat hierdie liefde ook nooit sal
verander nie.
Daarom sal Ek nie rus tot Ek die van My afgevalle weer terug gewen het,
tot hulle vrywillig weer na My streef. En vir die doel gaan hulle deur die
skeppings wat Ek eertyds laat ontstaan het, vir hierdie terugkeer na My.
Steeds weer sal Ek hierdie kennis aan die mense verskaf wat hulle met My
wil verbind en die waarheid wil weet oor die oorsaak, die sin en die doel
van hul bestaan op hierdie aarde. En julle sal in alle waarheid daaroor
onderrig word omdat alleen die suiwere waarheid julle vrymaak en
uiteindelik weer terugvoer na My. Amen
Geestelike verbindinge?
8762 25 Februarie 1964
Ek kan julle altyd alleen maar sê, dat julle Myself tot julle sal moet laat
spreek, dat julle alleen na Myself sal moet luister en waarlik julle sal nie
spyt wees nie, want alles wat vir julle nodig is om te weet, sal julle gestuur
word, julle sal nie in die donker voort hoef te gaan nie, maar helder lig sal
julle weg verlig waarvan aan die einde Ek Self julle sal ontvang.
Julle sal julle daarom regstreeks tot My moet wend sodat Ek julle die lig
ontsteek, julle moet dit nie van iemand anders verwag nie. Want lig kan
alleen van My uitgaan, wat die Lig is van ewigheid.
Ek stuur wel die ligstroom van My Liefde deur tallose ligwesens oral heen in
die oneindigheid, steeds het dit sy oorsprong in My en bly daarom steeds
dieselfde lig. Maar julle weet dat daar ook verblindende ligte bestaan, julle
weet dat dit julle oë kan verblind en hulle ongeskik maak vir die ware lig
wat ‘n sagte skynsel afgee en tog alles helder verlig, wat op julle ‘n
weldadige invloed sal uitoefen, maar nie fel vir julle opflits en julle oë
verswak nie.
En sulke verblindende ligte is die werk van My teenstander, wat hom ook
bedien van diegene wat oopstaan vir hom, om sy verblindende ligte verder
te lei deur mense wat vir hom werk. Mense wat self verwarring wil stig of
ook wel die beste bedoeling het maar nie regstreeks die weg na My neem
om ‘n lig vir hulself te laat ontsteek nie.
Julle, mense sal moet weet dat daar ontelbare geeste is wat self nog aan
die lig van insig ontbreek, wat egter alle geleentheid aangryp om
verbinding met die mense op aarde tot stand te bring en wat hulle teenoor
hierdie uitspreek, wat dus dit probeer oorbring wat hulleself besit, ofskoon
dit nie ooreenstem met die waarheid nie. Verder sal julle moet weet dat die
geesteswêreld voortdurend met julle in verbinding staan en al na julle eie
383