Deel 4 - Nuweopenbaring::: Welkom by Die Nuwe Openbaring

laat om al die lig wat van My uitgaan uit te doof of te vertroebel en hy
dieselfde reg het om op die wil van die mense in te werk, sal sodoende die
waarheid steeds weer verontreinig word. Want My teenstander wil My beeld
misvorm, hy wil My so aan die mense voorstel dat hulle geen liefde vir My
sal ervaar nie en daarvoor is vir hom elke middel goed.
Toe Ek My verlossingswerk op aarde volbring het, word My suiwer
evangelie deur My disipels uitgedra in die wêreld. Hulle het van My die
waarheid in die suiwer vorm in ontvangs geneem en gee dit net so suiwer
deur, omdat hulle deur die Gees vervul was. Die mense was egter
verskillend van natuur, want hul siele was nog belas met die oersonde en
behoort ook nog aan My teenstander, ofskoon hy hulle nie kon dwing om
hom te dien nie. Maar die erflike gebreke, soos hoogmoed en heerssug was
nog sterk in hulle aanwesig en dit benut hy om hulle te beïnvloed en ook
onder die aanhangers van My leer van die suiwer evangelie tweedrag te
saai.
En daar tree nou enkele van hulle in die besonder na vore en stig uit eie
beweging organisasies, verhef hulself tot bestuurders daarvan en skep ‘n
struktuur met baie aardse en wêreldse belange en dus het My teenstander
daar al ‘n aandeel aan en sy grootste strewe was om die waarheid van die
evangelie te ondermyn.
sodoende verduister die lig meer en meer en die vyandige invloed stel
ander leerstellings op, wat nie as dwaling herken word nie. En hierdie word
nou met groot ywer verdedig as sogenaamd deur My aan hierdie leiers
gegee. Hulle eis nou ook van hul lede om hierdie dwalinge te glo, en so brei
hul organisasie uit tot ‘n magstruktuur van die grootste omvang.
Elke mens egter kan en moet insien dat ‘n stelsel waarin mense verlang om
te heers nooit deur My gevestig kon wees nie, want My leer is; dien in
liefde. Die beïnvloeding van My teenstander werk egter heerssug en
begeerte na mag in die hand. En elkeen kan so heden ten dage nog self ‘n
oordeel vorm waar hierdie kenmerke nog duidelik te sien is.
Die mens het ‘n vrye wil en sou Ek nou deur My mag hierdie organisasies
vernietig het, dan sou dit ‘n ingrype gewees het in die wilsvryheid van die
mens, terwyl die volwassewording van die siel gedurende die aardse lewe
‘n volkom vrye daad van die wil moet wees, indien die mens tot voltooiing
wil kom.
My teenstander verblind weliswaar die mense met 'n uiterlike skyn wat baie
onheil veroorsaak het vir die siele van die mense, maar Ek het die mens die
verstand gegee en hy word ook ryklik met genadegawe gedek. Ek gee hom
die genade van die gebed en het Myself so naby die mense geplaas, dat
hulle tot My kan roep in gebed. En het hulle maar gebid vir waarheid en
beskerming teen dwaling, waarlik hul gees sou verlig word en hulle sou nie
in leuens en dwaling verstrik geraak het nie.
Want elke mens moet nadink, daar voor is hom die verstand gegee. Maar
laat hy dit agterweë, dan is dit ook sy eie skuld as hy ver van die waarheid
27