Deel 4 - Nuweopenbaring::: Welkom by Die Nuwe Openbaring

“werksaamheid van die gees” wat Myself bewys nie: Ek, wat My aan die
mense openbaar om hul die suiwere waarheid te bring.
Alleen die ewige Waarheid Self kan die Gewer van die waarheid wees. Dit lê
alleen by julle, om alle geestelike leringe te ondersoek of dit die waarheid
uit God is. ‘n Geestelike kennis kan nooit bewys word nie, word egter ‘n
mens innerlik onderrig dan het hy geen hulpmiddele van buite af nodig nie,
hy hoef nie onderrig te word deur sy medemens nie, hy sal alleen deur die
innerlike onderrigting ‘n helder lig ontvang, hy sal die kennis wat hom
oorgebring word ook as waarheid herken omdat Ek alle "werktuie"
waardeur Ek die waarheid na die aarde wil bring ook die vermoë om te
oordeel skenk en die volste begrip van alles wat in die geestelike gebied
van belang is, wat aards nie verklaar of bewys kan word nie, wat dus geglo
moet en kan word, want dit straal wysheid uit en skenk gevolglik helder
insig en ‘n omvangryke kennis aan hom wat hierdie openbaringe aanneem.
As mense hul menings teenoor mekaar uitruil is hulle nie teen dwaling
gevrywaar nie. Want waar die menslike verstand aan die werk is kan deur
die invloed van die teenstander ook dwaling insluip. Aan hierdie mense sal
ook steeds die volle oortuiging van die waarheid ontbreek. Ek wil egter dat
die mense in die waarheid wandel omdat hulle alleen deur die waarheid
salig kan word. Maar die stuur van die waarheid kan alleen geskied deur
middel van ‘n mensekind wat My diensbaar is, wat My vrywillig dien as ‘n
“opnamevat” waarin My Gees Hom kan versprei. En julle, mense kan daar
nou ook seker van wees dat die ewige Waarheid Self tot julle spreek. Dat
Hy julle ‘n omvangryke wysheid verskaf wat julle nooit op ‘n ander wyse
kan ontvang as deur die werksaamheid van My Gees nie.
Dat daar steeds weer getwyfel word aan die feit dat Ek My aan julle
openbaar bewys, dat die mense hulle nog heel ver van My verwyder hou,
dat hulself nog geen verbinding met My het nie en dat daarom ook hul gees
nog verduister is, in ‘n toestand waarin My teenstander hulle wil hou sodat
hulle My nie herken en dan die weg na My gaan nie. Ek weet egter hoeseer
die mense die waarheid nodig het, Ek weet dat hulle op verkeerde weë
gaan solank hulle nie deur Myself onderrig word nie. Ek onderrig hulle in
alle waarheid en verklaar hul die sin en die doel van hul aardse lewe. En
omdat Ek erg verlang na hulle terugkeer tot My, wys Ek hulle die weg aan
wat tot My voer. Ek gee hulle kennis wat volgens die waarheid is, waardeur
hulle uit die donker van die nag weggelei word tot die lig van die dag.
Die waarheid kan alleen van My, julle God uitgaan en daarom moet julle,
My ook daarvoor vra. Julle vrye wil moet in aksie kom en verlang na die
waarheid, omdat die mens dan na Myself verlang. En Ek sal geen mens
afwys, geen mens sal Ek die waarheid onthou, aan niemand wat dit ernstig
begeer. Sodra die mense die duisternis wil verlaat, sodra hulle verlang om
hulle in die waarheid te bevind, sal hulle ook insien wanneer Ek Myself
openbaar. En dan sal hulle ook weet dat Ek julle mense niks anders laat
toekom as die suiwere waarheid as julle maar van goeie wil is. Amen
39