Deel 4 - Nuweopenbaring::: Welkom by Die Nuwe Openbaring

ontvang julle ook net weldoende goedere vir julle liggaam, maar nooit dit
wat die siel nodig het om hom te vervolmaak nie. Want dit kan alleen Ek
hom gee en hy ontvang dit ook sodra hy homself met My verbind en die
stroom van krag moontlik maak wat hom die lewe besorg wat ewig duur.
Amen
Inleiding in geestelike kennis
8341 28 November 1962
Ek wil die mense ‘n maklik te begrype onderrigting gee. Ek wil hulle op die
eenvoudigste wyse opheldering verskaf sodra hulle wat nog geheel sonder
kennis is ‘n ware verklaring sal aanneem. Julle, mense sal julle kan voorstel
dat Ek julle nie geskape het soos wat julle nou is nie, want julle kan baie
onvolmaaktheid by die mense waarneem. En as julle hieroor nadink, sal dit
julle twyfelagtig voorkom dat ‘n hoogs volmaake Wese, wie julle God noem,
so ‘n onvolmaakte mensdom sou geskape het. Omdat julle egter julleself,
asook al wat vir julle sigbare skeppingswerke is, nie hulself kan laat
ontstaan het nie, moet daar dus ‘n "krag" aan die werk gewees het
waaraan julle glo.
Daar moet ‘n God bestaan, ‘n Skepper van alles wat julle sien en Wie ook
julle geskape het. Hierdie Skepper is hoogs volmaak, waarvan julle julleself
tydens julle aardse lewe baie bewyse sal kan verskaf. Hy het ook die mense
geskape, egter nie in die toestand waarin julle julleself tans bevind nie.
Veeleer het julle hoogs volmaak uit Hom voortgekom, julle het voortgekom
deur die hoogste volmaakte krag van ‘n Skepper, WIE ‘n Wese is wat in
staat is om te dink net soos julle, slegs in die hoogste perfeksie. Julle was
dus volmaak geskape maar julle bly nie volmaak nie omdat julle ‘n vrye wil
het, wat julle kon ontplooi in alle rigtings en dit daarom ook alle
volmaaktheid kon opgee en julle verander het in die teendeel.
En dit het julle gedoen! Julle verlaat julle vaderhuis, julle verwyder julle
van My, julle God en Skepper. Julle wys My Vaderliefde af en word
daardeur ongelukkige skepsele, omdat by saligheid My onbegrensde liefde
behoort.
My Liefde is egter oneindig en Ek volg julle ook in die diepte wat julle in
vrye wil gesoek het. My Liefde wil eenmaal weer julle terugkeer na My
bewerkstellig en Ek laat julle daarom nie in julle onsalige toestand nie maar
help julle, dat julle uit die diepte weer omhoog klim, dat julle uit die ryk
van die duisternis weer terugkeer in die ryk van die lig en julle vroeëre
saligheid weer bereik. Want die liefde wil altyd gelukkig maak en daarom
sal My Liefde ook nie verswak tot julle die weg terug na My voltooi het nie.
Julle menswees op hierdie aarde is slegs ‘n baie klein stappie op die weg
wat terugvoer na My. Julle is met rede begaaf en julle besit ‘n vrye wil en
verstand. Julle kan dink, voel en wil en ook daarna handel. as julle denke
en wil waar is, dan beweeg julle denke en wil steeds in die liefde. Dan sal
die liefde julle denke en wil bepaal, omdat die waarheid gerigte wil hom
89