Deel 4 - Nuweopenbaring::: Welkom by Die Nuwe Openbaring

steur nie, maar sonder beswaar alles as waarheid verdedig, ofskoon dit nie
in hierdie vorm eens van My uitgegaan het nie. Niks sal lank suiwer bly
bestaan wat die onvolmaakte mens in besit neem nie, maar steeds sorg Ek
weer daarvoor dat die suiwere waarheid na die aarde gebring word en julle
hoef dit slegs ernstig te begeer en dit sal julle toekom. Amen
Die hernieude kluistering is onafwendbaar vir die
aanhangers van Jesus se Teenstander
8450 5 Maart 1963
Vol erbarming rus My Oog op die ontaarde mensdom, wat hulle in die mag
van My teenstander bevind en selfs nie bereid is om hulle aan hom te
ontworstel nie.
Hulle het hulle vrywillig aan hom oorgegee en daardeur ontneem hulle My
die reg om self kragtig in te gryp. Ek gaan nie teen die wil van My
teenstander in nie, omdat julle julleself aan hom gegee het, maar hy trek
julle steeds dieper na benede en veroorsaak julle verderf. Julle val in die
diepte terug van waaruit julle eens julle ontwikkelingsweg oor die aarde
begin het en vanwaar julle deur alle skeppings heen moes gaan om eindelik
julle bestaan as mens te bereik. En nou sal julle dieselfde lot ten deel val,
omdat julle dit self wil en niks doen om as mens van sy mag te ontvlug nie.
En wanneer julle hierdie kennis ter oorweging gegee word, wil julle nie
daarin glo nie en daar is byna geen middel meer om julle denke te
verander nie, slegs groot rampspoed wat oor die aarde sal kom, bring dit
nog teweeg voordat die einde kom. Solank julle nog kan dink, is daar altyd
nog die moontlikheid dat julle ‘n keer oor julleself sal nadink, dat julle, julle
met julle liggaamlike dood besig sal hou en julleself afvra wat hierna sal
wees. Maar sulke gedagtes hou julle meestal ver van julle. Julle glo
heeltemal niks nie en meen dat alles met die dood van die liggaam verby
is.
Maar julle vergis julle geweldig en julle moet swaar vir hierdie dwaling
boet. Julle neem egter ook geen waarheidsgetroue uitleg aan nie en deur
dwang mag julle nie beïnvloed word nie. En kom ‘n groot nood oor julle,
dan kom julle ook maar net in opstand teen die "MAG" wat dit oor julle laat
kom. Want sodra julle in groot verdrukking kom, wil julle graag iemand
daarvoor verantwoordelik hou, selfs as julle ‘n God en Skepper loën. Maar
teen die slae van die noodlot sal julle niks kan uitrig nie en daarom sal julle
ook ‘n "MAG" moet erken wat sterker is as julle.
Daarom is sulke slae van die noodlot en ‘n ongewone groot ellende nog die
enigste middele wat julle denke kan verander. Ek moet dit aanwend met
die oog op die einde en in verband met die lot wat Ek nog van julle sou wou
afwend.
Betreur nie die mense wat plotseling uit die lewe weggeroep word nie; want
hulle kan nog in die hiernamaals tot voltooiing kom, as hulle nog nie geheel
158