Deel 4 - Nuweopenbaring::: Welkom by Die Nuwe Openbaring

omvorm het tot die mees verskillende werke van My oneindige liefde en
wysheid. Dat dit in wese die gevalle geestelike is en sodoende aan My
teenstander behoort, totdat hulle heeltemal verlos weer na My sal
terugkeer. Julle mense sien nie die gevallenes in die skeppings nie, julle
sien slegs die uitwerking van My liefde en mag julleself daaroor verheug.
Julle mag Myself daarin herken en julle mag julleself gelukkig ag dat julle
die weg deur die skepping afgelê het en kort voor julle voleinding staan.
Julle moet egter ook daar aan dink dat die werklike wêreld ‘n geestelike
wêreld is, wat slegs sigbaar is vir hom wat met geestelike oë kyk en dat
alles wat vir julle sigbaar is, slegs ‘n weerkaatsing is van hierdie werklike
geestelike wêreld. Julle moet daar aan dink dat alle materie bestaan uit
verharde geestelike substansie en dat hierdie verharding weer slegs die
gevolg was van die weerstand teen My en die afwysing van My liefdeskrag.
Want dan sal dit vir julle ook begryplik wees dat die aardse materie, wat My
wederstrewende geestelike is, wat My liefde en wysheid slegs tot ‘n
dienende funksie aanspoor om sy weerstand te breek en eenmaal weer tot
sy oertoestand terug te voer.
Die afvalligheid van die wesens van My, het dus die verharding van die
geestelike substansie te weeg gebring. Dus behoort die verharde geestelike
solank nog aan My teenstander totdat hierdie substansie weer vergeestelik
is, wat My egter nie hinder om hom die mag oor daardie geestelike te
ontruk en dit tot skeppings van allerlei aard te omvorm met die doel om die
geestelike definitief tot ‘n vrywillige afkeer van hom en ‘n vrywillige
terugkeer tot My te beweeg nie. En so bly die skepping ook steeds ‘n
Goddelike werk van My eindelose Liefde en Wysheid wat slegs Ek self kon
laat ontstaan, Ek wat alle mag en krag besit en wat alles tot uitvoering kan
bring wat My Liefde en Wysheid wil en as suksesvol insien. Amen
Voorspraak vir siele in die hiernamaals (2)
8616 14 September 1963
Steeds weer leer Ek julle die evangelie van die liefde, want as julle dit
aanneem en die gebod van die liefde tot God en julle naaste volbring,
vervul julle, julle aardse opdrag. En julle moet julle daarom steeds afvra of
alles in julle gedagtes, woorde en werke, volgens My gebod van die liefde
is. Maar steeds is alleen die liefde van belang wat diep in die hart opvlam,
want met lose woorde en gebare kan julle My nie tevrede stel nie.
En so moet ook alle werk uit onselfsugtige liefde gedoen word, want die
verwagting op loon doen afbreuk aan die liefde en sulke dade word dan ook
slegs aards beoordeel. Altyd sal die innerlikste gevoel om te help en te wil
verbly maatgewend wees. Altyd sal die onselfsugtige dienende liefde bedoel
word as Ek van julle ‘n lewe in liefde vra, dit alleen bring julle tot
voltooiing. Hierdie reine Godelike onselfsugtige liefde verbind julle met My,
en wat julle in so’n liefde vir julle naaste versoek, dit sal hy ook ontvang.
258