Deel 4 - Nuweopenbaring::: Welkom by Die Nuwe Openbaring

liefde geskied, wat van die kant van die mense of van die ligwesens vir die
arme siele gebring kan word.
Die liefdevolle voorspraak van ‘n mens op aarde werk as krag op die die
wese in die hiernamaals ten goede in en versterk sy wil, aan die wil van die
siel word gevolg gegee.
Dat My verlossingswerk ook in die ryk hierna voortgesit word vind sy
oorsprong in My oorgrote liefde, wat al My skepsele betref. Steeds en
steeds weer sal Ek die gevallene na bo help, hoewel Ek sy vrye wil
eerbiedig. Maar ook die liefde van ‘n mens op aarde wat uitgaan na sulke
onverloste siele is ‘n kragstroom, wat hierdie siele beroer en dus hul wil
kan aanspoor om hierdie leering aan te neem, wat hulle ook in die
geesteryk kan ontvang. Wat hul eers ‘n swak lig skenk, wat egter sterker
sal word hoe gewilliger hulle hierdie onderrigting aanneem.
My liefde hou nooit op nie, dit geld ook vir die arme siele. Nooit sal Ek
toelaat dat die teenstander hulle hinder as hulle die weg soek na die lig nie.
Die mense bind Ek egter steeds die liefde vir hierdie siele op die hart, sodat
hulle hul gedenk in stille voorspraak. En waarlik, daar sal geen siel verlore
gaan aan wie in liefdevolle voorbede gedink word nie.
Dit is werklik ‘n sataniese leer om die mense die nutteloosheid van
voorspraak te verkondig. Sulke leerstellings kan nooit uit My sy oorsprong
hê nie, want dit is totaal in teenspraak met My plan van verlossing wat ook
in die ryk hierna geld en waaraan elke mens op aarde kan deelneem deur
julle liefdevolle voorspraak.
Steeds weer sê Ek julle: Julle sou waarlik al die bewoners van die hel kan
verlos op grond van julle voorbede. Want teenoor die liefde is My
teenstander magteloos. Die liefde ontruk hom alle siele wat hy wil vashou.
Teenoor die liefde het hy geen mag nie en daarom wil hy die mense
verhinder om liefdewerk te verrig. En dit doen hy deur die mense die
nutteloosheid van 'n liefdevolle voorspraak voor te hou en hy vind ook
gewillige mense wat so'n dwaling aanneem en as waarheid ywerig
verdedig. As hierdie mense maar wil oorweeg dat hul leerstellings My liefde
en wysheid geheel en al teenspreek, dan sou hulleself ook hul dwaling
insien. Want altyd sal Ek probeer om te verlos, nooit egter verdoem nie.
En elke mens wat bereid is om lief te hê sal My ook ondersteun in die werk
van verlossing, omdat Ek terwille van hulle liefde My krag kan uitdeel en
tog nie teen die wetlike orde van ewigheid ingaan nie. Amen
Die skepping is die werk van God
8613 11 September 1963
Al My skeppingswerke bewys My eindelose liefde vir julle en My
onoortreflike wysheid en almag, want dit het enkel en alleen ontstaan vir
die redding en terugvoering van die eens gevalle geestelike. Daarom is die
hele skeppingswerk ‘n uitdrukking van My oorgrote liefde, want dit betrek
regstreeks die geestelike wesens wat hulself teen My verset het, My liefde
256