Deel 4 - Nuweopenbaring::: Welkom by Die Nuwe Openbaring

julle nie verlore moet gaan en die lot van die hernude kluistering weer op
julle moet neem nie.
Want EK probeer nog voor die einde, om elke middel aan te wend wat kan
help vir die mense wat nog nie heeltemal ‘n prooi is van My teenstander
nie. Dog My verlossingsplan van die ewigheid is vasgelê en sal vervul word
sodra die tyd gekom het. Amen
Die proef van geestelike leringe
8407 9 Februarie 1963
Daar sal nog vreeslik baie geestelike leringe aan julle vertel word, wat
sogenaamd van My moes uitgegaan het en julle sal dit steeds sorgvuldig
moet beproef of hierdie geestelike leringe ook hulle oorsprong in My het.
Julle sal dit ook kan doen, sodra dit julle wil is om die egte suiwer Waarheid
in ontvangs te neem en julle My vra om bystand. My Gees is waarlik oral
werksaam, omdat dit noodsaaklik is dat daar vir die mensdom in hulle
geestelike duisternis ‘n lig aangesteek word. Maar hiervan maak My
teenstander ook gebruik, deurdat hy om die mense in die war te bring,
homself kamoefleer, want hy is nie in staat om ‘n ware lig te gee nie, dit sal
steeds skynligte wees wat hy vir julle aansteek en julle oë sal deur die vals
lig verswak word, sodat hulle dan ook moeilik die sagte skynsel van ‘n ware
lig sal herken. Want hy verberg homself agter groot (belangrike) name en
skep daardeur verwarring. Die mense durf dit nie afwys nie en tog word
hulle op ‘n dwaalspoor gelei deur diegene wat dit aan hulle meedeel. En
julle sal skrik as julle sou weet in welke mate sy teenwerking in die stryd
gewerp is en wat hy sal bly insit tot die einde toe.
Die mense verlang ongewone kennis en hierdie begeerte maak sy
werksaamheid moontlik, deurdat hy met die kennis wat hy bekend maak,
valse hoop opwek, wat egter nie die geringste waarde het vir die siel van
die mens nie, wat slegs oor die aarde gaan met die doel om volwasse te
word. Hierdie "leraars" sal bedrieglike woorde spreek en net hulle wie dit
opmerksaam beproef, sal moet toegee dat daar geen wins te behaal is uit
sulke onderrig nie, omdat My teenstander self geen lig besit nie, het hy nie
die vermoë om dit te kan uitdeel nie, dus gaan daar vir hom geen "lig op
nie". En steeds kan Ek julle slegs daartoe aanspoor om My innig om
verligting van die gees te vra, dan sal dit in julle ook helder en duidelik
word en julle sal dit afwys wat nie van My uitgegaan het nie.
Van baie kante sal julle steeds dieselfde woorde aangebied word, want My
teenstander besit geen kennis nie en kan daarom ook geen kennis oordra
nie. En net ‘n ware kennis ooreenkomstig die waarheid skenk aan diegene
wat dit ernstig begeer, ‘n lig. Wat julle dus in werklikheid lig gee, neem dit
aan wat julle ware kennis gee oor My en My Wese en oor My heilsplan van
ewigheid, sodat julle nou ook helder en duidelik julle eie gegewens
verstaan, is ‘n lig wat Ek Self vir julle aansteek. Maar word julle met leë
woorde betrek wat geen dieper kennis skenk oor dit wat julle was, wat julle
127