Deel 4 - Nuweopenbaring::: Welkom by Die Nuwe Openbaring

ewige orde ook nie sal afsien nie, omdat Ek anders wisselvallig, dus nie
volmaak genoem kan word nie.
Maar alle mense kan ook hiervan seker wees, dat die suiwer waarheid vir
hom toeganklik is omdat alle mense My Goddelike geesvonk in hulle het,
wat in voortdurende verbinding met My staan en wat Ek ook steeds die
suiwer waarheid kan laat toekom. Verbind julle daarom met My en Ek Self
sal julle lei in alle waarheid. Amen
Die onmeetlike grootte en mag van God
8767 1 Maart 1964
Vir julle is slegs ‘n nietige fraksie van My skepping sigbaar, selfs wanneer
julle die sterrehemel beskou so ver julle oog kan sien. Die hele
oneindigheid is vervul met My skeppings en daaruit kan julle ook die
ontsettende groot aantal geestelike wesens voorstel deur wie al hierdie
skeppings bewoon word, wat self bestaan uit die geestelike wat gevorm is
(tot materie) en die geestelike wat verder ontwikkeld is en tot
volwassenheid moet kom. Daar is ‘n onmeetlik groot leër van geestelike
wesens, eens gevalle oergeeste, in hierdie skeppings gebonde met die doel
om terug te keer na sy Uitgangspunt na My.
En daaruit sal julle ook moet aflei dat daar sprake is van eindelose lang tye,
wat julle met die woord "ewighede" kan aandui, wat daarvoor nodig is om
al die eens gevallenes te vergeestelik, uit die harde materie te bevry en
weer te laat word wat hulle was in die allereerste begin. En dan sal julle
ook die ewige Godheid julle anders voor die gees stel, want My grootte en
mag is onmeetlik.
Alles is onbegrens wat met My in verband gebring kan word, hetsy My
Wese, hetsy My regering en werksaamheid in die oneindigheid. En dan sal
dit julle heeltemal onbegryplik voorkom dat Ek My tot elkeen van My
geskape wesens oor buig en hulle aanspreek.
Julle sal julle egter as mens ook geen voorstelling kan maak van My Wese,
wat alles oortref wat julle vir julleself kan voorstel, wat nie in ‘n vorm
gegiet kan word nie, aan Wie die hele oneindigheid, wat geregeer word
deur Sy Wil en Sy Mag, onderworpe is. Want julle denke is begrens en kan
die Onbegrensde nie begryp, voordat julle nie self ‘n graad van
volmaaktheid bereik het wat dit vir julle moontlik maak om dieper deur te
kan dring in die geheim van die Wese van julle God en Skepper nie.
Ewighede bestaan die skeppings al in die heelal en ewighede sal nog
verbygaan tot alles vergeestelik is. Want vir My bestaan tyd nog ruimte nie.
Ek beheer die hele oneindigheid en vir My is verlede, hede en toekoms een.
Maar Ek vind My geluksaligheid in die voortdurende skep en uitstraal van
My Krag in die oneindigheid en Ek skep niks sonder om My Liefde en
Wysheid werksaam te laat wees en daarom dien alle skeppings ‘n doel,
maar julle kan daar geen algehele duidelikheid oor gegee word nie, want
julle kan alleen dit begryp wat in julle gesigsveld bestaan. En ook hierdie
388