Deel 4 - Nuweopenbaring::: Welkom by Die Nuwe Openbaring

en wat hulle toegewese hemelliggaam ook nie kan verlaat nie, vanweë die
wet van ewigheid, dat daar wel ‘n geestelike verbinding kan bestaan, maar
dat so 'n verbinding deur bewoners van die aarde nie met bewoners van
ander hemelliggame gesoek mag word nie, omdat julle niks weet van die
ontwikkelingsgraad van hierdie wesens, wat hulself geestelik aan julle te
kenne wil gee nie.
Hierdie wesens kan julle wel op ‘n mediumieke manier geestelike
boodskappe laat toekom, wat julle egter nie vir waarheidsgehalte kan toets
nie. En sulke boodskappe moet julle daarom as twyfelagtigheid afwys; want
as julle van My af onderrig moet word, geskied dit regstreeks, of deur
ligwesens uit My ryk, wie die leerstof direk van My ontvang wat dit vir julle
moet bring. Solank julle nie geleer het om die geeste te onderskei nie,
moet julle julleself ver weg hou van ‘n omgang met hulle. My teenstander
sal egter altyd daar tussenbeide kom waar die mense hulself bereidwillig
oopstel vir mededelinge uit die ryk van die geeste. Die verlange na die
bonatuurlike gee My teenstander reeds ‘n houvas en hy sal vir hulle wat dit
verlang, steeds van diens wees, maar nooit tot heil van hulle siele nie.
In die eindtyd sal hy ook die mense probeer mislei, deurdat hyself sy
toevlug sal neem tot materialisasie, deurdat hy voor die oë van
afsonderlike mense voorwerpe sal laat verskyn wat nie materieel bestaan
nie, maar homself as ‘n skim vir hulle aanbied wie die abnormale wil belewe
en daarom ook maklik deur My teenstander beïnvloed kan word. En daarby
kom nog die probleem, dat die mense ook proefobjekte die heelal instuur,
wat as materiële voorwerpe te sien is. Daarom kan die mense ook geen
onderskeid meer maak tussen skyn en werklikheid nie. Maar beide is van
sataniese oorsprong, of dit van mense uitgaan, of van die geestelike
wêreld, wat tog altyd die ryk van die duisternis is, soos wat die mense ook
by hulle pogings deur die vors van die duisternis aangehits word.
Dit loop ten einde en dit is ook die rede vir die ongewone aktiwiteit van
Satan. Maar Ek Self werk ook op ongewone wyse, deurdat Ek die mense die
suiwer waarheid laat toekom en Ek sou waarlik aan julle mense ook berig
laat toekom, as hierdie bewoners van ander hemelliggame handelend in My
opdrag moes optree, Ek sou julle nie in die onsekerheid daaroor laat nie.
Desondanks sê Ek steeds weer aan julle: Laat julle nie deur sulke
betowerende ligte van styk bring nie. Want hy van wie dit uitgaan, wil julle
nie red nie maar julle verderf. En julle sal voor die einde nog baie belewe
en sy aktiwiteite duidelik kan nagaan, as julle maar opmerksaam sal wees
en met My verbonde bly, sodat Ek Self julle denke steeds kan verlig en julle
ook vir hom en sy optredes in die lig van die waarheid herken. Amen
268