Deel 4 - Nuweopenbaring::: Welkom by Die Nuwe Openbaring

Dat egter die Krag uit My, wat as siel in julle is, die basis is van die eintlike
ek-bewussyn van die mens, kan julle nie begryp nie. En dat julle eintlik in
julle oersubstansie dieselfde is as julle God en Skepper, daaroor dink julle
nie na nie en daarom benut julle ook julle aardse lewe nie, omdat julle nie
van die eintlike doel van julle lewe bewus is nie.
Elke mens is oorspronklik ‘n goddelike skepsel, want die menswees is nie
die begin van sy bestaan nie maar die gevolg van ‘n grenselose dwaling
van die deur My eens in alle volmaaktheid geskape wesens. Dit is altyd
egter dieselfde krag wat sowel die eersgeskape wesens, asook die mense
deurstroom en hulle in staat stel om te lewe. Dit is alleen dat die krag in
verskillende grade in die wesens van weleer, asook in die mense werksaam
is, dat dus eens dieselfde krag tot onbegrensde skeppende aktiwiteit in
staat was, terwyl dit in die mens vanweë sy weerstand deur die vroeëre
afval van My, slegs tot uiterste geringe werksaamheid kom.
Maar deur die wil van die mens self kan hierdie krag altyd vermeerder
word, tot dit weer geheel na My Wil aktief sal wees, as die mens hom op
aarde voltooi. Daarvan weet die mense niks en hulle beskou hulself nie baie
anders as die skeppingswerke om hulle heen nie, wat wel ook krag uit My
is, omdat dit anders nie sou kan bestaan nie. Want daar is niks wat nie
deur My krag deurstroom word nie, die skeppingswerke is egter sonder ekbewussyn,
tot die afsonderlike kragvonkies saam ‘n menslike siel gevorm
het en dan ook weer die ek-bewussyn besit soos voorheen.
Tegelyk met die ek-bewussyn egter het die mens die denkvermoë
teruggekry en dit gee hom ook weer die moontlikheid, om met ‘n goeie wil,
die in hom opkomende gedagtes teenoor mekaar op te weeg. Maar daar is
ook ‘n heel klein liefdesvonkie in hom wat ook ‘n klein liggie kan ontsteek.
En so kan weer Goddelike kragte in hom gewek word wat hy eens besit het
en deur sy afval van My verloor het. Want hierdie krag wat elke mens, as
goddelik skepsel, deurstroom, het op die een of andere wyse ook sy
uitwerking. Die wil van die mens beslis egter of die krag na Goddelike Wil
aangewend word en daardeur voortdurende vermeerdering van die
Goddelike krag tengevolge het, of, dat alleen die versorging van sy liggaam
beoog word en dan weer misbruik word soos eens, toe die afval van die
wesens van My plaatsgevind het, omdat hierdie wesens nie ooreenkomstig
My Wil werksaam was nie, maar hul eie verkeerde wil daar teenoor stel.
Eers as die mens hom ten volle bewus is dat hy ‘n skepsel van God is en
dat sy bestaan alleen deur die deurstroom van Goddelike Krag versekerd is,
eers dan sal hy moeite doen om hierdie krag ook goed te gebruik en dan
ook daarop bedag wees, om die stroom van Goddelike Krag voortdurend te
vermeerder. Want dan sal hy ook Myself leer liefhê hy sal in liefde werk en
hoe liefdadiger hy is, des te meer sal hy met krag vervul word.
Alles is krag uit My, alles wat julle om julle heen sien, dus kan ook julle in
julle oersubstansie alleen uit My uitgestraalde krag wees. En julle moet dit
ernstig bedink, dat julle Skepper, Wie vol van waarheid is, julle terwille van
274