Deel 4 - Nuweopenbaring::: Welkom by Die Nuwe Openbaring

Maar slegs weinig mense neem die ontwikkeling van hul siele ernstig, wie
se geloof in My ook die oortuiging insluit dat hulle ‘n verantwoordelikheid
teenoor My het en hulle daarom hul aardse lewe bewustelik lewe. Maar die
meeste mense is en bly onverskillig, selfs as hulle deur die kragtigste
spreker gekonfronteer word. Hulle verwerp eenvoudig alles wat geestelik is
met ‘n superieure glimlag, omdat die mense dit as ‘n fantasie en onwerklik
beskou en daarom ook nie daardeur geboei word nie. Maar terwille van die
weiniges sal die werk nog gretig gedoen word, want om slegs een siel van
sy val te red, om ‘n herhaalde ontwikkeling deur die aarde se skeppings te
verhinder, is so’n enorme daad dat geen inspanning gespaar moet word
nie, want elke siel sal ewig sy redder dank wat hom op die regte weg gelei
het.
Baie mense keer blykbaar terug na die geloof. Maar groter nog is die aantal
van hulle wat wegval en sorgloos hul geloof in My opoffer en ook nie die
daad van Verlossing van Jesus Christus as ‘n daad van versoening vir die
hele mensdom erken nie. En juis omdat die geloof in Jesus Christus meer
en meer verminder, word die geestelike ontbering progressief erger. Dit sal
definitief tot die ontbinding van die aarde lei om ‘n nog diepere afdaling in
duisternis te verhinder, dit sal volbring word deur die geeste vry te maak
wat aan My teenstander behoort en weer te bind in die materiële
skeppings.
Telkens weer vertel Ek julle dat hierdie aarde nie ‘n geestelike verandering
ten goede kan verwag nie, dat ‘n nuwe periode van verlossing sal begin en
dit, terselfdertyd ‘n geestelike as ook aardse keerpunt sal wees, omdat niks
wat leef en bestaan op, in en bo die aarde sal bly nie, maar alles sal
omskep word, ‘n nuwe aarde sal te voorskyn kom en hierdie nuwe aarde
sal weer in wettige orde begin, sodat die ontwikkeling van alle geestelike
substansies daarop beskerm sal word en die proses van terugkeer in
hierdie wettige orde sal verdergaan.
My ewige plan hang nie daarvan af of julle mense dit glo of nie, maar die
van julle wat My verklarings nie glo nie sal verras wees hoe spoedig die dag
sal kom wanneer die eerste openbarings hulself vervul: wanneer julle nog
getuie sal wees van ‘n laaste teken van My wat alle openbarings van hierdie
aard sal bevestig. Veral die mense wat hulself intellektueel hoër ag as hul
medemens ontken sulke laaste dae openbarings en betwyfel so ook die
waarheid van My Woord, wat direk van hierbo na die aarde gestuur word.
Maar tog, wie anders kan so’n spesifieke voorspelling maak as Hy wat alle
mag tot Sy beskikking het en die Heer van alle kragte van Hemel en aarde
is.
Julle kan My Woord inderdaad as waar en seker aanvaar, want Ek spreek
nie net nie maar bevestig ook elke gebeurtenis wat julle opgelê word deur
My liefde, wysheid en mag, omdat dit vir julle sielee noodsaaklik is om My
nog in die laaste uur voor die einde aan te roep. My voorspellings is nie
bedoel om enige iets anders te bereik as om julle verantwoordelikheid te
91