Deel 4 - Nuweopenbaring::: Welkom by Die Nuwe Openbaring

Is daar egter in julle harte geen plek vir gedagtes aan My nie, dan is julle
harte in besit van My teenstander en dan sal dit slegs gevul wees met
wêreldse gedagtes, met aardse verlange, met begeertes van allerlei aard,
en het hy volledig besit geneem van julle siele en laat hy hom moeilik
daaruit verdryf. Dan sal My liefde weliswaar steeds weer probeer, om ‘n
verandering van julle wil te bewerkstellig deur slae van die noodlot van
allerlei aard, maar julle sal julleself steeds weer moet oorwin en die rigting
van julle gedagtes moet verander.
En daartoe kan julle nie gedwing word nie, waarom Ek ook nie regstreeks
tot julle kan praat nie, omdat ‘n derglike aanspreeking ‘n dwinging van julle
geloof en wil sou wees. Julle moet die weg tot My vrywillig betree en julle
sal waaragtig ooral steun vind, wat die weg vir julle ligter maak en dit as ‘n
lig vir julle skyn, omdat julle die weg waarop julle gaan herken. En dan sal
Ek Self julle begelei, Ek sal My aan julle as Leier aanbied, en geseënd is
julle, wanneer julle My leiding aanneem en julleself volledig aan My oorgee.
Ek lei julle weliswaar weg uit die wêreld, maar julle sal dan ook nie meer
agtertoe kyk nie, julle sal dan nie meer verlang na die ryk, wat julle nou
vrywillig verlaat het nie, maar julle blik sal opwaarts gerig wees en slegs
een doel nastreef, Myself. En julle aardebewoners kan van My aanneem,
dat Ek om julle sielee worstel en julle volg met steeds dieselfde sorg, dat
Ek steeds weer op julle weg sal kom, want Ek wil julle nie verloor nie, Ek
wil julle aandag vestig op geestelike goedere, wat onverganklik is, en Ek wil
julle daarom die verganklikheid van die wêreld voorhou.
Want nog is julle weinig tyd gegee, waarin My liefde en genade julle volg en
waarin julle julleself nie teen My mag verset nie, om ook deelgenoot te
word van die liefde en genade. En Ek wil julle steeds weer aanspreek deur
My dienare, Ek wil julle ‘n genademiddel gee wat uiters werksaam is, as
julle nie teenstribbel en bewus My genade in ontvang neem. Amen
Groot geestelike nood gedurende die eindtyd
8329 14/16 November 1962
Julle sal julle nie mag verwonder oor die verwarde opvattings van die
mense in die laaste tyd voor die einde nie, dit maak nie saak op watter
gebied nie. Oral heers My teenstander en hy beïnvloed die denke van
diegene wat nie heeltemal vas met My verbind is nie. Maar Myne sal hulle
afvra hoe dit moontlik is dat so ‘n verkeerde denke onder die mensdom
ingetree het, want hulle is deur Myself in hulle denke gelei en kan daarom
nie begryp in welke denkrigting die mensdom verkeer nie; omdat hulle
weinig geloof het en hulle weg alleen gaan sonder My en My teenstander
hom derhalwe by hulle kan aansluit. Aards en geestelik het die mense hulle
van die waarheid afgekeer, van natuurlike gevoelens en van al die goeie en
mooie. Daarenteen is hulle die wêreld in die mees krasste vorm toegedaan,
dit wil sê hulle vervorm alles en het alle gevoel vir die regte en goeie
verloor. En geestelik bevind hulle hulself in die diepste duisternis, hulle
80