Deel 4 - Nuweopenbaring::: Welkom by Die Nuwe Openbaring

het uit liefde, dat Hy dus die liefde geplaas het teenoor My vyand en Hom
deur die liefde oorwin het, dat Hy My Geregtigheid voldoening verskaf het
en die koopprys betaal het vir die siele wat die teenstander nou nie meer
kon gevange hou nie.
Dus het die Liefde die werk van erbarming volbring, wat Hom heeltemal
vervul het en hierdie Liefde was Ek Self. Maar "My Seun" moes deur hierdie
duisternis, deur die ryk van Lucifer, heengaan en daarom Sy Lig en Sy
Krag, wat Hy as nie-gevalle Oergees besit het, agterlaat. Hy moes, netsoos
elke mens, in dieselfde swakheid die aardse lewe begin, want Hy moes die
mense die weg toon om weer na My toe terug te kom, die weg van liefde
en lyding, vir wie die mens Jesus sy medemens waarlik voorafgegaan het
en Ek daarom in Hom My intrek kon neem, omdat Sy Siel nie deur die
oersonde belas was nie en Sy liefde Hom die Krag gegee het om ook sy
menslike liggaam te vergeestelik, sodat Hy dus sonder enige sonde deur
die aardse lewe gegaan het. Want sonde is slegs dit wat strydig is met
die liefde. En omdat Ek in die hart van elke mens ‘n vonkie van My
goddelike Liefde gelê het, is elke mens ook in staat om die liefde te
ontsteek en aan te wakker tot die hoogste gloed.
Dus word daar niks onmoontlik van julle verlang nie, omdat slegs die
swakheid van wil julle kan hinder by die werksaam wees in liefde en julle te
alle tye vir Jesus om versterking van julle wil kan vra, omdat dit een van
die barmhartighede is wat Hy deur Sy dood aan die kruis vir julle verwerf
het. En hierdie barmhartighede van die verlossingswerk sal julle moet
gebruik, omdat Sy werk van erbarming nie tevergeefs vir julle gebring was
nie, omdat julle in Jesus Myself sal herken, wat My intrek in Sy omhulsel
geneem het, om julle van julle sondeskuld te verlos. Amen
Betreffende die vraag: Die inkarnasie van Jesus
8264 5 September 1962
My aardse missie was vervul met My dood aan die kruis, met My
opvaarding na die hemel. Die volle vergoddeliking van My siel, wat eens uit
die liefde van die Vader as geskape wese voortgekom het, het plaasgevind.
Dit moet een of ander tyd deur elke oer gees bereik word om met die Vader
te kan werk en skep, tenvolle volmaak in Sy beeld. Bowendien het My oer
siel die besondere taak gehad om die Vader toe te laat, die Ewige liefde
self, om op aarde as mens te verskyn, d.w.s. die 'Ewige liefde' verskyn Self
in My uiterlike dekking van die mens Jesus en so word die Vader ‘n sigbare
God vir al Sy vroeër geskape wesens wat die bepaalde graad van
volmaaktheid bereik het wat geestelike visie toelaat.
Die menslike verskyning van God in Jesus is so ‘n betekenisvolle
gebeurtenis dat julle dit nie sal kan begryp terwyl julle nog op aarde is nie.
Dit was en is ‘n daad wat nou verwant is aan die afval van die wesens van
hul God en Skepper. Maar een ding is verseker: My Jesus-Siel is so innig
verenig met die Vader dat Hy en Ek een is en dat Ek nie meer afsonderlik
43