Deel 4 - Nuweopenbaring::: Welkom by Die Nuwe Openbaring

Wat die mense ook al sal doen, steeds sal EK weet om die gevolge van
hulle handelinge ten goede te gebruik want ook die duistere wêreld is
onderworpe aan My en My Mag. Ook hulle moet My dien en tegelykertyd
saamwerk aan My werk van die terugvoering, al is dit ook onbewustelik. EK
weet egter al van ewigheid af van die wilsrigting van die mense, en
ooreenkomstig hierdie wil kon EK dus ook My verlossingsplan opbou.
Daarom weet EK ook wanneer daar geen geestelike vooruitgang meer te
verwag is nie, wanneer die tyd vir bevryding van die gebonde geestelike
moontlik sal wees. Daarom staan EK die handelinge van die mense ook nie
teë, as hulle die enorme vernietigingswerk deur ‘n verkeerde wilsrigting
teweegbring nie. Deur hierdie verkeerde wil is hulle vir Satan ‘n gewillige
werktuig, want hy kan geen skeppingswerk vernietig en geen materie oplos
nie, omdat al die gebonde geestelike se mag onttrek is. Maar hy probeer
die gebonde geestelike terug te wen en die mense is hom daarmee
behulpsaam omdat hulself bydra tot die ontbinding van die materie.
Ten eerste deur alle moontlike kleinere proefnemings wat egter later so
buitensporig sal word dat geen materie hierteen sal kan standhou nie. EK
laat dit toe, sodat die substansies wat in die materie gekluister is, vry kan
word, ook al is dit ten koste van die hele mensegeslag wat op so ‘n lae
geestelike vlak gekom het, wat ‘n hernieude kluistering in die materie nodig
maak. Wat My teenstander en die mense wat hom nou onderdanig is, ook
al sal doen, hulle sal uiteindelik tog weer sorg dat die ontwikkeling van die
geestelike ten goede kom, wat ook eendag tot voltooiing moet kom. En
daarom sal My verlossingsplan van ewigheid af uitgevoer word soos wat
aan julle verkondig is. Amen
Dit ontbreek die mense aan liefde en geloof
8626 25 September 1963
Steeds verder verwyder die mense hul van My en steeds minder wil hulle
glo, omdat hulle nie in die liefde lewe nie kom hulle ook nie tot ‘n lewend
geloof nie en ‘n dooie geloof is geheel waardeloos, omdat dit maklik
opgegee word as hulle hul moet uitspreek, vir of teen My. Want voor
hierdie beslissing sal die mense onherroeplik geplaas word, ongeag of dit
verlang word deur aardse maghebbers of slegs deur moeilike slae van die
noodlot, waarin alleen die regte beslissing hulp kan bring in aardse nood.
Sonder geloof is hulle verlore, want hulle is dan onderdane van My
teenstander, wat alle geloof aan ‘n God en Skepper onder die mense wil
vernietig.
Slegs ‘n lewe in liefde sal die geloof lewend maak en dan is alle gevaar om
in die hande van My teenstander te val oor. Want ‘n lewend geloof bring die
verbinding met My tot stand en dan kan alle nood opgehef word omdat die
mense dan glo dat Ek die mag daartoe het en hulle ook daarvan oortuig is
dat My Liefde My tot hulpverlening aanspoor. Maar arm en ongelukkig is die
mense te noem by wie alle geloof ontbreek aan ‘n Wese, Wat vol van
270