Deel 4 - Nuweopenbaring::: Welkom by Die Nuwe Openbaring

helder lig van die insig teruggee, wat julleself vertroebel het en toe
heeltemal verloor het.
Besef slegs in welke geestelike duisternis die mensdom ronddwaal, besef
dat maar weiniges ‘n sfeer van lig om hulself heen skep. Dat dus as gevolg
van slegs "ligvonkies" se opflits op die aarde, wat weliswaar elke mens sou
kan opvang en dit dan voldoende sou wees om weer ‘n lig te ontsteek in die
hart van ‘n mens wat die duisternis sou wil ontvlug. Bedink hoeveel
gelukkiger die mense sou wees as hulle maar ‘n klein mate aan insig sou
besit, wat hulself weer telkens kon vergroot. Dan sal daar reeds ‘n lig in
julle ontsteek het; begryp dat Ek alles sal bevorder wat daartoe bydra dat
dit lig word onder die mense. Julle sal begryp dat Ek Self vir My ook
ligdraers oplei wat Ek met ‘n ryke kennis uitrus, wat Ek steeds dieper in die
waarheid lei, wat slegs uit My kan voortkom. En dat Ek hierdie ligdraers
weer opdra om hulle lig te laat uitstraal, sodat die duisternis wat op die
mensdom druk, deurbreek kan word.
Ek wil nie dat julle mense in dieselfde duisternis die aardse lewe verlaat as
waarin julle dit betree het nie. Ek wil dat julle in die lewe as mens weer na
lig verlang en julle verlange sal ook waarlik vervul word. En reeds op die
aarde sal dit julle gelukkig maak as dit helder in julle word, as julle leer
begryp waarom julle op aarde is en wat julle eintlike lewensopdrag is. Want
slegs Ek weet dat hierdie gees dan eers weer salig kan wees, as hy homself
in die stroomkring van My liefdesuitstraling sal bevind. En in hierdie
stroomkring wil Ek hom reeds as mens op aarde binnetrek en stuur hom
daarom steeds weer strale toe wat in hom ‘n lig sal ontsteek, wat dan
vanself soos die Oerlig van die Ewigheid lyk. Dit wil dus sê, Ek skenk elke
mens vereers ‘n bietjie kennis wat reik tot in die geestelike gebied, wat die
mens uit eie wil kan vergroot. Hy kan gedurig aanspraak maak op die
kragstroom van My liefde. Hy kan homself in besit stel van geestelike
rykdomme as hy hierdie kragstroom gebruik om te werk in liefde en dan
ontsteek die liefde in hom ‘n steeds groter lig.
En lig beteken kennis, insig en die diepste wysheid, steeds egter op
geestelike gebied, wat nie vir die verstand toeganklik is nie. Want Ek Self
sal dit op My neem om die mense te onderrig wat hulself aan My toevertrou
en My om verligting van hulle gees bid. Hulle sal ‘n omvangryke kennis in
ontvangs mag neem en so dus langsaam die toestand van insig ingaan,
waarin hulle hulself eertyds bevind het. Die duisternis wat My teenstander
oor hulle uitgesprei het, sal van hulle wyk.
Hulle sal weer tot die lig kom, omdat hulle bewustelik die verbinding met
My, die Oerlig van die Ewigheid tot stand gebring het en hulself weer deur
My laat aanstraal soos eens, toe hulle in alle volmaaktheid van My
uitgegaan het. Amen
290