Deel 4 - Nuweopenbaring::: Welkom by Die Nuwe Openbaring

ook kan praat deur die gees. En oral en in alle gelowe is daar mense met
wie Ek in 'n innige gemeenskap staan, oral kan Ek My openbaar en hulle
intrek in diep kennis. Maar of hulle erken word as ware opnemers vir
Godelike openbaringe, dit bepaal die geestestoestand van die mense wat
al heel ver van die waarheid verwyderd was.
Die getal van My ware disipels het bedenklik klein geword. Maar ook nou
nog stuur Ek hulle uit om die volke die evangelie te verkondig, die
evangelie van die liefde, omdat alleen deur die liefde kan mense aan My
bewys dat hulle aan My "kerk" behoort, omdat My Gees dan in die mens
kan werk wat die sekerste teken is van die lidmaatskap van My kerk. Alleen
hulle wat in die liefde lewe, slegs hulle, sal die Hemelryk verwerf. Slegs
hulle kan Ek die waarheid laat toekom en hulle inwy in My plan vir die
ewigheid. Want dit gaan om baie gewigtiger sake as slegs die in ag neem
van kerklike gebruike en handelinge, wat die menslike siel geen enkele
vooruitgang oplewer nie. Dit gaan om die lewe van die siel, wat hy alleen
kan bereik deur werke van liefde en ‘n lewend geloof. En slegs dit het Ek
My eerste apostels opgedra om aan die mense te verkondig en Ek het
elkeen in My kerk opgeneem wat hierdie gebooie gehou het. En ook nou
nog geld dieselfde gebod: “Hê God lief Bo alles en julle naaste soos
julleself” Amen
Die druk en verspreiding van die openbaringe
8899 24 Desember 1964
Dat die verspreiding van die waarheid buitengewoon belangrik is, was al
voorheen vir julle gesê. Immers, van die houding wat mense teenoor die
waarheid het, is hulle lewe tot in die ewigheid afhanklik. Daarom moet alles
gedoen word om die waarheid onder die mense te versprei. Elke mensehart
is aan My bekend en EK weet wie nog ontvanklik is vir die waarheid, EK ken
dus ook die weë om die mense te bereik wat nog in staat is om My woord
op te neem. Hy wat oor ‘n liefhebbende hart beskik en daarom begrip vir
My woord het, sal dit van bo aangereik word.
Alleen die wat na My en My woord hunker, laat EK kennis neem van My
boodskappe, dikwels, deurdat EK vir mense die mees sonderlinge drade
aaneenknoop en My woord daarheen lei waar dit nog met ‘n dankbare hart
aangeneem word. Vandaar sal My woord weer verder versprei word, al is
dit maar langsaam, want die mense van hierdie wêreld het geen verlange
na My woord nie, sodat daar steeds maar enkeles is wat aangespreek kan
word.
Maar één ding mag nie vergeet word nie, dat My woord steeds in liefde
aangebied moet word om werksaam te kan wees. Slegs ‘n liefhebbende
hart sal My en My woord aanneem, daarom is alle arbeid wat vanuit hierdie
oogpunt uitgevoer word, ook geseënd. Julle sal nou kan verstaan dat vir
elke klein werk van My liefde, waardeur julle dit moontlik maak dat EK die
harte van die mense met My woord kan aanspreek, EK ook elke
477