Deel 4 - Nuweopenbaring::: Welkom by Die Nuwe Openbaring

menslike wil en deur invloed van My teenstander omver gegooi is. Want
daardeur word die terugvoeringsproses van al My skepsele bedreig, omdat
My heilsplan altyd ten doel het om die eens gevalle geeste weer tot My
terug te bring.
Maar julle mense ontbreek die oorsig en die regte insig; en julle weet ook
nie hoe diep die mensdom al geestelik verval het nie. Julle weet ook nie dat
die tyd gekom het dat hul val teengehou moet word en die siele aan My
teenstander ontruk en weer opnuut gekluister moet word. Want daardeur
kry hulle weer ‘n kans om die weg tot My te neem, wat hulle in die lewe op
aarde verspeel het. Hulle het hul aardselewe nie uitgebuit nie en is daarom
deur eie skuld vir ‘n eindelose lang tyd onsalig. Maar My teenstander behou
nie die mag oor hulle nie en dit is reeds van voordeel vir die gevalle geeste,
wat weer in partikels opgelos deur die skeppings van die nuwe aarde moet
gaan.
Julle mense begryp nie dat My liefde die aanleiding is vir My handel nie,
want julle almal moet eens Myne word. Julle sien meestal in My die
straffende God, ofskoon julle die "straf” vir julleself geskape het. Julle het
vir julleself die lot gekies deur julle gehegtheid aan die wêreld en dit het
julle tot verderf geword, want My ryk is nie van hierdie wêreld nie. Die
wêreld behoort aan My teenstander en julle stel julleself geheel vrywillig
onder sy heerskappy. En hy sal julle solank vashou tot Ek self julle van
hom sal ontruk, wat geskied deur die hernieude kluistering in die hardste
materie van die nuwe aarde. Maar dit is dan gelyktydig weer die begin van
julle opstyg uit die diepte na die Hoogte.
Dit alles word julle steeds weer verkondig, berei julleself daarom voor op
die einde van hierdie aarde en doen alles om los te kom van hom wat julle
wil verderf. Kom tot My en Ek sal julle waarlik help en bystaan in die
weerstand bied teen hom. Want dan hoef julle die einde nie te vrees nie,
wat onherroeplik sal kom soos Ek dit steeds weer verkondig het. Amen
Stroom van krag deur verbinding met die ligwêreld
8340 27 November 1962
Elke geestelik kontak, d.w.s. elke verbintenis met Myself asook met die
goeie geestelike wêreld, laat ‘n oordra van krag toe, wat vir julle van die
grootste nut is, want om geestelike krag te ontvang, beteken dat die siel
weer tot lewe kom, ‘n lewe wat ewig duur. Hy tree uit sy toestand van dood
deur sy vrywillige toekeer na die ligwêreld, na My, Wie in hierdie wêreld vol
van lig regeer en hy kan nou ook die lewensstroom in ontvangs neem wat
van My uitgaan en ook deur die ligwêreld na hom gebring word. Julle weet
nie hoe seënryk dit is, wanneer julle julleself daagliks in gedagtes in hierdie
ligwêreld verplaas nie, wanneer julle almal nader roep wat julle welsyn op
die hart dra, wanneer julle al die goeie geestelike wat julle omring, om
ondersteuning vra in al julle aardse aangeleendhede, wanneer julle julleself
vol vertrou aan die ligbodes oorgee wat in My opdrag aan julle sy geplaas
87