Deel 4 - Nuweopenbaring::: Welkom by Die Nuwe Openbaring

Maar Jesus is geen tweede Wese wat naas God bedink moet word nie. Hy is
God, want God is Liefdeskrag, wat ‘n geheel vergeestelikte vorm deurstraal,
wat dus slegs nog goddelike Oersubstansie was en daarom ook alleen maar
te sien is vir die wesens wat self netso vergeestelik is om die geestelike te
kan sien. Wanneer van die Vader, die Seun en die Heilige Gees gepraat
word, is dit wel geldig as aanduiding vir die Wese van God, wanneer die
Vader as Liefde, die Seun as Wysheid en die Heilige Gees as Krag, as Wil of
Mag van God erken word. Want die Wese van God is Liefde, Wysheid en
Mag. Maar die doel wat God Self stel met die skepping van die wesens, die
vergoddeliking van hierdie wesens in vrye wil, verklaar wanneer dit bereik
word ook die menswording van God in Jesus, die sigbare Godheid in Jesus,
terwyl die Godheid in drie persone glad geen korrekte verklaring, dit wil sê
‘n uitleg volgens die waarheid, toelaat nie.
Die mense het vir hulself begrippe gemaak wat die geestelike groei
versper, omdat daar slegs één God aangeroep kan word, maar dat daar nie
tot drie verskillende gode gebid mag word nie, inteendeel dat God Self
gesien wil word in Jesus en dat Hy daarom alleen aanbid kan word in Jesus.
En Hy eis van alle mense erkenning, omdat die erkenning van Hom eens
geweier was en omdat tegelykertyd ook Sy verlossingswerk erken moet
word. Want sonder Jesus Christus kan geen mens vergewing van sy
oerskuld verkry nie en daarom moet die mens homself vir Hom uitspreek,
hy moet glo dat God Self Hom oor die mensdom bekommer het en in Jesus
die verlossingswerk volbring het. Amen
Twyfel aan Goddelike openbaringe
8251 25 Augustus 1962
Steeds weer sal die mense My openbaringe in twyfel trek, omdat hulle nie
lewend in My glo nie, anders sou My werksaamheid in hierdie laaste tyd
voor die einde, vir hulle verstaanbaar gewees het. Maar ‘n lewende geloof
vra ook ‘n lewe in die liefde. En dit kan die meeste mense nie doen nie,
want hulle beoefen maar net eieliefde. In so ‘n verkeerde liefde kan hulle
My egter nie vind nie en ook nie herken as God en Skepper nie, wat ook
hulle Vader wil wees. Die meeste mense het nog net ‘n vormgeloof, ‘n
aangeleerde geloofskennis wat nog nie lewendig in hulle kon word nie.
Daarom het hulle ook geen begrip vir die uitgiet van My Gees nie, soos EK
aan almal beloof het wat in My glo en My gebooie onderhou, want aan hulle
sal EK My openbaar.
Hoe meer die mense nog in beslag geneem word deur ‘n vormgeloof, des te
vyandiger sal hulle hulself opstel teenoor My openbaringe. Tog sal EK
hierdie boodskappe steeds weer na die aarde stuur, omdat EK uit liefde vir
My kinders nie anders kan as om die mense die suiwer waarheid aan te
bied en hulle te behoed daarvan om die sin van die lewe te gaan soek in
heel verkeerde dogmas nie.
34