Deel 4 - Nuweopenbaring::: Welkom by Die Nuwe Openbaring

Hetsy sy aardse nood verlig word, of hom geestelike krag gegee word.
Altyd sal julle liefde wat julle naaste betref dit bewerkstellig.
Wat sonder liefde gebeur, gebede wat slegs die mond uitspreek maar nie
uit die diepte van die hart kom nie, is asof nie gepraat nie, want dit bereik
My Oor nie en dus kan sulke gebede nie verhoor word nie. Omdat die werke
in liefde in alle opsigte die doel is van julle aardse bestaan, sal Ek ook nie
ophou om die liefde te preek nie. En Ek sal ook My arbeiders in My wingerd
steeds opdra om die evangelie van die liefde verder te versprei, elke
mensehart aan te spreek en aan te spoor tot die onselfsugtige doen van
liefdesdade. Maar nooit sal Ek ‘n mens verhinder om in liefde te werk nie,
dit spreek vanself. Dit gaan alleen daarom dat julle lewend is en by alles
deur die liefde aangespoor word, want Ek het vir geen enkele uiterlike vorm
waardering nie, omdat dit waadeloos is vir die siel van die mens. Ek Self
beoordeel alleen die wil van die mens en Ek alleen weet of by alles wat julle
dink, spreek en doen julle harte by betrokke is of nie.
En julle mense moet altyd alleen die liefde preek, julle mag egter nooit die
mense belet om dade van liefde te verrig waartoe ook die gebed vir die
oorledenes behoort. Want ken julle die graad van volwassenheid van
diegene vir wie julle bid? En maak julle die mense wie julle waarsku teen
so’n gebed nie onseker nie? Glo dit maar dat hulleself kan beoordeel of hul
gebede deur My aangeneem word. Wil julle ook diegene weerhou om te bid
wat deur besorgdheid vir hul oorledenes gedryf word om hulle te wil help,
daar hulle anders nie sou bid nie? Julle sal twyfel saai in hulle harte, want
‘n ootmoedig mens is nie oortuig van sy volwassenheid wat hom alleen die
reg sou gee om vir hierdie siele te bid nie. En wie van julle kan sê dat julle
al so vas geanker staan in die geloof, dat alleen julle gebede van waarde
is?
Die oordeel van die waarde van ‘n gebed moet alleen aan My oorgelaat bly,
want Ek waardeer reeds die wil van elke siel om te help en waarlik, Ek sal
elkeen wat bid beskerm teen die mag van My teenstander. Alleen
niksseggende mondgebede het geen waarde nie. Sulke bidders bevind hulle
nog steeds in die mag van My teenstander, anders sou hul geloof meer
lewend wees en hul gebede uit die hart opwaarts gaan. Dus waarsku teen
gebede vir oorledenes mag julle nie, omdat dit verkeerd is om te dink dat
iemand wat so bid, hom in die mag van My teenstander begeef deur sy
gebed. Slegs ‘n gebed wat met die mond uitgespreek word kan deur My nie
aangeneem word nie. En sulke gebede ontruk waarlik nie die siele van My
teenstander nie. Sulke bidders het sy wraak nie te vrees omdat hulle hom
geen siele laat verloor nie.
Laat dit aan julle gesê wees, dat Ek alleen julle denke wat verkeerd gelei
word wil verbeter, want van My kant af het so’n leerstelling nie tot julle
gekom nie omdat hierdie die waarheid teenspreek wat Ek na die aarde
stuur, sodat ‘n lig skyn in die duisternis wat My teenstander op die aarde
uitgesprei het. Waar slegs ‘n vonkie van liefde opgloei daar kom die mens
259