Deel 4 - Nuweopenbaring::: Welkom by Die Nuwe Openbaring

‘n Onvolwasse siel kan nie in My Ryk van Lig ingaan nie, hy moet eers op
aarde volmaak word en is met die doel op aarde. Julle stoflike omhulsel, die
menslike liggaam, word deur julle met die beste sorg in die lewe gehou,
daar word alles vir hom gedoen, sodat dit behoue bly en julle daarby so
lekker moontlik voel. Maar aan die siel dink julle weinig, terwyl hy baie
meer goeie, heilsame voeding nodig het, omdat dit gaan om sy ewige
bestaan, terwyl die liggaam verganklik is en sy leeftyd baie kort kan wees.
Die siel is meestal by aanvang van sy beliggaming as mens swak en siek,
en hy moet voor alles gehelp word, sodat hy kan los kom uit sy kragtelose
toestand. Hy moet deur ware spys en ware drank krag toegevoer kry, sodat
hy hom suiwer tydens die aardse lewe en hy moet goeie medisyne kry,
sodat hy gesond en volwasse word om die aardse liggaam te kan verlaat,
wanneer die uur gekom het, waarin hy die lewe op aarde verwissel vir die
geesteryk, om nou ook grensloos salig te kan wees.
En die ware voedsel kan julle alleen gebied word in die vorm van My woord,
want dan ontvang die siel krag en versterking van Myself en Ek sal julle
waarlik alleen dit bied, wat bydra tot julle voleinding. Maar daartoe het Ek
julle vrye wil nodig, dus julle moet self by My aan tafel kom en die ware
voeding vir julle siele regstreeks van My aanneem. En Ek nooi julle steeds
opnuut uit, om My gas te wees, om julle te lawe en te versterk aan My tafel
en die ware spys en die ware drank van My in ontvangs te neem, wat vir
julle siele noodsaaklik is, sodat julle gang oor die aarde suksesvol kan
wees.
Want alleen vanweë die volwasse wording van die siel gaan die mens oor
die aarde. Sy liggaam is slegs die stoflike omhulsel, wat die siel herberg,
wat die proses van terugkeer byna volbring het en slegs nog die wilsproef
moet aflê, om vir goed in die geesteryk opgeneem te word. En die siel het
die liggaam nodig om te kan bestaan en om sy taak te vervul. Maar bowe
al moet vir die siel gesorg word en alles moet hom gegee word, wat hy
nodig het om volmaak te word.
En omdat die siel die geestelike in die mens is, kan hy alleen maar van
geestelike spys en drank voorsien word en die ware voeding vir hom is en
bly steeds My woord, wat Ek julle in oorvloed aanbied, as julle My maar die
moontlikheid gee, om julle aan te spreek en julle ook My woord naleef. Dan
bestaan daar vir die siel geen mislukking meer nie, dan sal hy hom
onherroeplik sodanig vorm, dat hy steeds nader aan My kom, omdat alle
kragtoevoer uit My, wat in die vorm van My woord tot hom kom, hom help
met die omvorming na sy oorspronklike toestand, sodat hy hom suiwer en
dan steeds sterker met die lig van My liefde deurstraal kan word.
Steeds weer moet julle mense My woord hoor, dan verskaf dit julle siele die
nodige bruikbare voedsel, wat nie sonder uitwerking sal bly nie en daarom
moet julle voortdurend by My aan tafel kom en met My die avondmaal
gebruik en waarlik, julle siele sal dankbaar wees, as julle hom voor alles
versorg, sodat sy gang oor die aarde as mens nie tevergeefs is nie; sodat
114