Deel 4 - Nuweopenbaring::: Welkom by Die Nuwe Openbaring

die lig verlos sal kan ingaan. En al is God onvoorstelbaar lankmoedig en
geduldig in Sy liefde en probeer HY steeds weer die mense oor te haal tot
‘n korrekte wilsbeslissing, tog sal die bepaalde tyd eenmaal verby wees.
Dan tree Sy regverdigheid na vore en HY sal die ou ordening weer instel
wat weer die “regstelling” van die geestelike sal beteken, naamlik ‘n
oorplasing in die uiterlike vorm wat beantwoord aan die graad van
volwassenheid.
So ‘n “in orde bring” is tegelykertyd die einde van ‘n aardse
verlossingsperiode, want dit vereis die vernietiging van die aardse
skeppingswerke wat nog onverloste geestelike berg wat in die “jy moet”
toestand is, en wat sy ontwikkelingsweg moet aflê. Dit vereis egter ook die
vernietiging van mense wat hulle bestaan op geen enkele manier benut het
om vooruit te kom met hulle ontwikkeling nie. Hulle word ook weer
“reggestel”, dit wil sê, weer in die harde materie gekluister. En die mense
staan nou voor die einde van die ou aarde, of hulle dit geloofwaardig vind
of nie. Julle word steeds daarop gewys dat julle julleself nog voor die einde
moet verander om aan die wet van die godelike ordening te voldoen,
waarvoor slegs ‘n lewe in liefde vereis word. Want die liefde is die
Goddelike prinsipe wat julle as Sy skepsele ook self julle eie moet maak,
sodat die Goddelike ordening nagekom word.
Julle sal steeds vermaan word deur sieners en profete wat aan julle die
naderende einde sal aankondig. Hulle sal julle laat nadink oor wat julle
eintlike lewensdoel hier op aarde is, sodat die einde nie vir julle as ‘n
verrassing sal kom nie. En sodat julle nie volledig skuldig voor God se
"regterstoel" moet verskyn, as julle niks gedoen het om julle in die laaste
vorm as mens te ontwikkel nie.
Veral as julle nog nie bevry is van julle oerskuld deur dit tot onder die kruis
te dra en vir Jesus om vergifnis te vra vir hierdie skuld nie. HY alleen kan
alle skuld van julle neem, en dan kan julle vry van skuld voor die
“regterstoel” van God staan en hoef julle die laaste gerig nie te vrees nie.
Julle kan dan ook julle verblyf op hierdie aarde verwissel met dit van die
geesteryk wat julle ware vaderland is. Julle sal dan die ryk van die salige
geeste kan ingaan en nóg die einde van die ou aarde, nóg die hernieude
kluistering hoef te vrees nie. Want die ewige God is geen wrede nie, maar
regverdige Regter, wat julle almal sal gee volgens julle eie wil. Amen
Die siele se kwellende lot in die hiernamaals
8224 26 Julie 1962
Elkeen wat hom aan die wêreld gewy het moet en sal die dood vrees, want
die mens verdwyn nie wanneer hy sterf nie, maar die siel wat nie kan sterf
nie verlaat hom en bly bestaan in die geestelike koninkryk in ‘n staat wat
aan sy aardse lewe beantwoord. Slegs nou sal die siel die ware lewe kan
ingaan, wat vir ewig duur en ‘n staat van geluksaligheid is, want in
volledige vryheid, in lig en krag sal hy in staat wees om enige iets te skep
15