Deel 4 - Nuweopenbaring::: Welkom by Die Nuwe Openbaring

Die geloof van hulle wat My trou wil bly sal versterk word, want hulle erken
die waarheid van My woord. Hulle houvas aan My belofte dat Ek almal sal
versorg en huistoe sal bring op die dag van die gerig, wat in My woorde glo
en My trou bly tot die einde. Amen
Veranderinge in die Kosmos
8781 16 Maart 1964
Dit is ‘n ongewone gebeurtenis wat EK vir julle aankondig, julle sal dink dat
julle julleself vergis en steeds weer sal julle dieselfde belewe. Aardskokke
wat nie van uitbarstings afkomstig is nie, maar steeds aanhou, wanneer die
aarde in ‘n bepaalde stand tot die sterre staan, sodat die skokke reëlmatig
verwag kan word en nie sal wegbly nie.
Dit sal nouliks waarneembaar wees en daarom ook maar weinig mense
verontrus, maar eers by die ondersoek van die wetenskaplikes sal daar
redes gegee word om die ergste te vrees. Mettertyd sal die verskynsels
sterker word en gevolglik ook die onverskillige mense verontrus, omdat
hulle ‘n bedreiging van die hemelliggaam aarde herken deur ander
hemelliggame, want die hemelliggaam wat uit sy baan getree het, beweeg
self na die aarde toe en kom steeds weer opnuut in ‘n samehangende stand
wat juis die gevolge in werking sal stel.
Met die oog op die nabye einde moet die mense nog wakker geskud word
uit hulle rus, hulle moet aan hulle Skepper dink en hulself besig hou met
gedagtes van hulle eie verganklikheid en ook daarmee saam dat daar ook
vir hulle geen waarborg bestaan dat hulle nie heeltemal met die dood van
hulle liggame sal vergaan nie, hulle moet herinner word aan die einde van
hulle lewens en ook aan die lot wat op hulle wag, wanneer hulle glo aan ‘n
verdere lewe van die siel. Die eindtyd sal soveel onnatuurlik toon, en tog is
dit slegs die doen en denke van die mense wat onnatuurlik is en sal die
ergste gevolge hê. Die mense matig hulself aan om buite hulle bevoegdheid
ondersoeke in die ruimte te onderneem, hulle hou hulself nie by die wette
van die natuur nie en word nogtans nie in hulle dade en wil gehinder nie,
maar die gevolge sal hulself tref.
Maar die einde kom steeds nader en as die mense nog gehelp wil word, wat
tot selfbesinning wil kom en hulself bewus word van hulle groot
verantwoordelikheid, dan moet daar ook van die kant van God af ‘n
ongewone werksaamheid aan hulle getoon word en staan dit hulle nog
steeds vry om daarop ag te slaan en hulself beantwoordend daarmee in te
stel.
En so ‘n ongewone werksaamheid sal die mensdom belewe in die komende
tyd, wat nie deur mense veroorsaak sal word nie, maar wat homself in die
kosmos sal afspeel, in ‘n gebied wat alleen aan die Skepper Self
onderworpe is en wat nou skynbaar in stryd met die normale wetmatigheid
geraak het. Tog is die gebeure ook opgeneem in die plan om die geestelike
terug te voer, want dit kan ‘n ommekeer by baie mense teweegbring,
400