Deel 4 - Nuweopenbaring::: Welkom by Die Nuwe Openbaring

Self is Liefde en waarlik, Ek is kragtiger as hy die een wat julle in die diepte
gestort het. Amen
Dit is julle plig om geestelike goed te ondersoek
8364 28 Desember 1962
Julle sal julle nie kan verontskuldig weens verkeerde onderrig nie, omdat
julle deur My in die geleentheid gestel is, om julle verstand te gebruik, dus
het julle ook ‘n plig om dit te ondersoek wat julle geleer word. En sodra
julle kennis neem van ‘n God en Skepper, Wie alles laat ontstaan en Wie
alles wat julle om julle heen sien en ook julleself, bewaar, hoef julle julleself
slegs in gedagtes tot hierdie Skepper te wend en waarlik, Ek sal dan julle
gedagtes stuur sodat julle insig kry as julle dit begeer.
En daar sal uit die geesteryk steeds die gedagtes tot julle kom, wat gaan
oor Myself en julle. Wat julle vrae laat in welke verhouding julle tot My,
julle God en Skepper staan. En sulke gedagtes moet julle opneem en in
julle oorweeg. Altyd moet julle bewus wees dat elke mens, wat slegs op sy
verstand vertrou, homself kan vergis.
Ook moet julle julleself afvra of die mense wat julle onderrig, sonder
dwaling is; of hulle wat julle kennis ter oorweging aanbied, dit self weer
van hulle medemens ontvang het, of deur middel van studie verwerf het.
Want dan sal daar sekerlik twyfel in julle opkom en dan doen julle goed
daar aan om daaroor na te dink. Slegs julle wil is egter beslissend of
julleself die waarheid verlang, want slegs hierdie wil sorg daarvoor dat julle
suiwer waarheid geskenk word. Want neem julle gedagteloos aan wat julle
opgedis word, dan sal julle nooit die weg tot My vind nie. Julle besit dan net
suiwer verstandskennis, wat nooit die hart kan beroer nie, julle siele sal nie
die geringste voordeel daarvan hê nie, omdat dit nòg tot ware kennis lei,
nòg julleself daartoe bring om ernstig aan julleself te werk. Dit is en bly ook
net wêreldse kennis, selfs as dit oor geestelike probleme gaan. Want slegs
julle verstand word aangespreek, maar nooit word daarvan geëis dat hy
hom intensief daarmee moet besighou nie, want eers dan kan hy begryp
wat hy aangebied is. En as julle nou deur (kerklike) gebooie verhinder word
om daaroor na te dink, sal julle ook die onsinnigheid van so 'n verbod
insien en agterdogtig word en net daaroor al aan die waarheid twyfel van
wat julle aangebied word om te leer. Alles hoef nie dwaling te wees nie,
maar julle moet vir julleself duidelikheid hieroor verskaf, deurdat julle by
julleself gaan nadink en julle tot Hom wend, Wie julle God en Skepper is,
want slegs Hy kan opheldering aan julle verskaf.
Sodoende moet julle probeer om lewende kennis te verkry en julle nie met
dooie kennis tevrede te stel nie; wat net vir so lank dood is wanneer dit
geen invloed op die menslike siel uitoefen nie, totdat dit julle siele opwek
tot ware ywerige arbeid wat vernaamlik uit werke van liefde bestaan. Want
so gou as wat ‘n mens ‘n lewe in liefde lei, sal ook sy denke verlig word en
dan het hy geen vrede meer met 'n leer wat nie heeltemal met die
99