Deel 4 - Nuweopenbaring::: Welkom by Die Nuwe Openbaring

stel en dan eers moet julle spreek. En dit sal van die gewilligheid van die
mense afhang of hulle hulle voordeel uit die gebeure sal wil trek. Amen
Selfondersoek van ‘n tussenpersoon
8783 18 Maart 1964
Ook dit sal julle eens tot seën strek, dat julle die verleidinge weerstaan het,
dat julle, julle toevlug tot My geneem het in alle nood en innerlike
benoudheid en dat julle weer ‘n wilsproef mag aflê, oor dit wat die
heerskappy oor julle verkry het.
Ek moet alle versoekings toelaat, want slegs deur stryd kom julle tot die
oorwinning en elke versoeking is ‘n beproewing van die sterkte van julle
wil, om daarvoor uit te kom wat julle as die waarheid insien. Verblindende
skynligte sal steeds weer julle oë verswak. Weer word julle in innerlike
twyfel gedompel of duik daar vrae op, maar aan julleself lê dit nou tot wie
julle julleself wend om alle twyfel op te los en op alle vrae ‘n antwoord te
ontvang. En geseënd is julle as julle julleself dan altyd slegs tot My wend,
julle God en Vader van die Ewigheid, wat die Waarheid is en hierdie
waarheid wil Ek skenk aan elkeen wat die waarheid begeer.
En weer moet Ek vir julle sê dat die vrye wil van die mens die verklaring vir
alles is. Hy word nie verhinder om ‘n rigting in te gaan wat van die
waarheid afwyk nie; en elke mens word vanuit die geesteryk beïnvloed,
ooreenkomstig sy geestestoestand. En so sal sy denke ook min of meer
volgens die waarheid wees. En op sy gedagtes bou hy vir homself nou ‘n
sienswyse op, maar hy is nie daarvan seker of dit uit die Ewige waarheid
afkomstig is nie.
En daarom word die wil van elke mens afsonderlik beoordeel of hy sy
medemens iets wil skenk, of hy hulle wil help en of die motivering van sy
algehele doen en late goed is, of hyself dus liefdevol is en sy medemens
gelukkig sou wil maak. En ooreenkomstig daarmee sal hy ook korrek dink.
Hy mag egter nie reeds self ‘n basis geskep het waarvan hy nou uitgaan
nie.
En daar moet julle besonder baie belang aan heg, dat die oorsprong van sy
opvattings vasgestel word. Want 'n hele berekening kan nie klop as daar
reeds in die begin ‘n berekeningsfout ingesluip het nie. Daarom is slegs die
suiwer waarheid steeds gewaarborg, wanneer dit homself in ‘n leë houer
kan uitstort, wanneer Ek Self die Bron is en die kragstroom van My liefde
kan laat binnevloei in ‘n houer wat totaal geledig is. Dan kan Ek ‘n mens
van die grond af onderrig en dan is sy verkeerde gedagtes uitgesluit, want
dit kan nie naas die suiwer waarheid uit My bestaan nie, dit word
onmiddellik as vals herken en dit word daarom nie aangeneem nie. En so 'n
selfondersoek moet elke mens in homself verrig wat as tussenpersoon
tussen My en die mensdom werksaam wil wees en hom die waarheid wil
laat toekom.
402