Deel 4 - Nuweopenbaring::: Welkom by Die Nuwe Openbaring

ordening weer herstel op die aarde, sodat hy verder sy doel as "skool van
die gees" kan vervul volgens My Wil. Amen
Opheldering oor die oergees en sy afvalligheid
8458 5 April 1963
Al My sorg gaan uit na julle toe wat My Wil dien in die laaste tyd voor die
einde, want julle moet nog baie dwalinge regstel wat Ek aan julle blootlê en
julle daarom die middele in die hand gee om teen dit in te gaan; wat julle
nooit sou kon doen sonder die stuur van My Woord uit die hoogte nie. Ek
weet waar die denke van die mense nog verward is. Ek weet, waar hulle vir
hulself opvattinge in hulle vasgemaak het wat hulle nie graag wil opgee nie,
wat egter nie volgens die waarheid is nie. Ek wil almal opheldering gee, Ek
wil die denke verlig van hulle wat van My uit die opdrag het om die
waarheid te versprei. Ek kan julle altyd net weer dieselfde uitleg gee, dat
julle wesens is wat eens deur My uitgestraal is, wat hulle einddoel nie
nagekom het nie, omdat hulle teen My in opstand gekom het. Wat Ek nou
uitgestraal het as krag, was “Ek-bewuste” skepsele, in staat om na te dink
en met ‘n vrye wil begunstig; dus geen dooie meganismes nie. Hulle het
lewe in hulself, want My krag, wat hulle oersubstansie was, is en bly iets
lewend, wat aanspoor tot gestadige werksaamheid. Ek gee hierdie krag dus
die vorm van wesens, wat egter geestelik te verstaan is. Hulle kon mekaar
wedersyds aanskou as skitterende skepsele in die stralendste lig, elke
uitgestraalde skepsel was ook ‘n wese in homself. Hulle was as onafhanklik
voort gebring en was voortdurend met My liefdeskrag deurstraal. Hulle was
ewebeelde van Myself. Hulle was miniature van My eie Wese, wat
selfstandig in krag en lig kon werk en hoogs volmaak was, omdat slegs die
volmaakte uit My kan voortkom.
Hierdie wesens het aan My ontrou geword en verander dus deur hulle vrye
wil in die teendeel. Hulle het hulle volmaaktheid verloor, gebrekkig en
ellendig geword, want die Goddelike liefdeslig wat hulle deurstraal het, het
hulle afgewys en as gevolg daarvan ontdoen hulle hulself van die goddelike.
Die wesens het egter bly bestaan, slegs die Liefde het hulle prysgegee. En
dit was moontlik, omdat hulle as bewys van hulle goddelike oorsprong, ook
‘n vrye wil besit het, wat homself na alle rigtings kon ontplooi en wat
homself vir die teenoorgestelde rigting kan uitspreek. Die wese het dus die
liefdeskrag van God - My voortdurende liefde aanstraling afgewys en dit
verklaar hulle val in die diepste diepte, omdat hulle onbekwaam geword het
om werksaam te wees en in hulle substansie verhard het. Die deur My in
alle volmaaktheid geskape wese het homself dus vrywillig van My verwyder
en het homself steeds meer na die diepte begewe.
Hierdie afvalligheid van die geeste van My was reeds aan julle duidelik
gemaak en julle weet waarin hierdie afvalligheid van My bestaan; wat My
liefde afgewys het. Die wesens het daardeur onbekwaam geword om te
werk. Omdat die wese egter in homself My uitgestraalde krag was en nie
164