Deel 4 - Nuweopenbaring::: Welkom by Die Nuwe Openbaring

julle tot lewe ontwaak. As Liefde, Wysheid en Krag julle deurdring en julle
weer tot dit wat julle oerwese was, word, wat julle van die begin van tyd af
was. As julle deur die “water van die lewe” die EWIGE LEWE bereik, wat
julle dan vir ewige nie meer sal verloor. Amen
Waarom val mense so maklik ten prooi aan dwaling?
8644 14 Oktober 1963
Dit is baie moeilik vir julle My dienare op aarde om julle te handhaaf
teenoor dwalinge, want alles wat van My teenstander kom, word ook deur
hom ondersteun en die mense wat hom dien word deur hom op alle
moontlike wyse bygestaan, sodat hulle die dwaling verbrei en die mense in
steeds diepere duisternis lei. Die ergste van sy planne is egter, dat hy die
mense laat glo dat hulle vir My werksaam is.
En nou sal julle dit ook begryp as daar gesê word; hy sal in die gewaad van
‘n "ligengel" verskyn en julle sal nou ook begryp dat daarom die waarheid
en die dwaling dikwels naby aan mekaar lê. wat skynbaar dieselfde lyk en
dat dit tog geheel teenoorgesteld is, wat sowel die inhoud as ook sy
uitwerking betref. En julle sal daarom die vraag stel: Waarom laat Ek dit
toe, omdat Ek tog My skepsele liefhet en hulle tot saligheid wil bring?
Julle sal die beswaar opper dat alle mense na saligheid strewe en tog deur
My teenstander en vyand van hul siel, mislei kan word. En weer is daar
maar net een antwoord, dat elke mens self die innige verhouding met My
tot stand moet bring en slegs ‘n innige bede tot My hoef te rig sodat Ek
hulle teen dwaling beskerm en dan sal hul dit ook helder en duidelik insien.
Waaraan lê dit egter dat My teenstander so'n groot aanhang het, dat die
mense hulle sonder weerstand in dwaling laat verstrik? Dit kom alleen
omdat hulle ongeërg teenoor die waarheid staan. Hulle hou hulle te min
besig met dink oor dit wat hulle deur hul medemens meegedeel word. Daar
is in hulle geen verlange dat in hulle ‘n helder lig van insig ontsteek word
nie. En wel daarom, omdat die liefde hul wese nog nie beheers nie, omdat
hulle nog steeds te veel aan die wêreld geheg is en daarom ook nie lewe
volgens My gebooie van die liefde tot God en die naaste nie. Want sou hulle
in die liefde lewe dan sou na hulle ook ‘n helder lig straal en hulle sou dan
ook deurdring wees van ‘n verlange na die waarheid.
Hulle erken wel dat van die mense gevra word om ‘n geestelike lewe te lei
en sluit hulle daarom aan by die een of ander geestesrigting en laat hulle
ook deur die leier daarvan in die een of andere denkrigting dwing, maar
hulle neem self haas geen standpunt in nie, omdat hulle nog nie die innige
verbinding met My gevind het nie, wat die gevolg is van ‘n lewe in liefde.
Die hele verklaring of en waarom die mens ten prooi val aan dwaling lê
alleen aan die graad van liefde van elke mens persoonlik. Maar ook seker
sal ‘n mens in die waarheid vasstaan wie se lewenswandel ‘n lewe in
onbaatsugtige liefde is. Dit is vir My alleen maar moontlik om die suiwere
waarheid na die aarde te lei deur mense wat aktief is in die liefde. Maar
277