Deel 4 - Nuweopenbaring::: Welkom by Die Nuwe Openbaring

Daarom is daar ontelbare moontlikhede vir ‘n siel wat nog onvoltooid van
die aarde heengaan om geestelik volwasser te word en My Liefde en
Wysheid sien waarlik vir iedere siel afsonderlik die moontlikheid wat die
mees bevorderlikste is om volwasser te word. En so is alle skeppings in die
heelal bewoon deur geestelike wesens met die mees verskillende grade van
volwassenheid en dit bied salighede en heerlikhede van onvergeetlike aard
aan hulle wat al ‘n hoër graad van lig het, maar steeds sal dit - ook vir
minder volwasse wesens - beter en makliker lewensvoorwaardes te siene
gee as op die aarde. Want die aarde is waarlik die armsaligste
skeppingswerk, wat baie selfoorwinning kos en groot eise stel aan die
gevalle wesens tot en met die mens, maar vir hom ook die wonderlikste
doel kan oplewer, naamlik die kindskap van God, wat duisendvoudig
opweeg teen alle probleme en die wese tot die geluksaligste kind sal laat
word, wat met My skep en kan werk in die hele oneindigheid.
Tot op welke hoogte die skeppings in die heelal nou geestelike of nog
materiële skeppings is, sal julle mense eers by ‘n bepaalde graad van
volwassenheid of lig kan herken, maar soveel staan vas, dat dit al die eens
gevalle wesenlike tot verblyfplek dien en dus na gelang die toestand van
volmaaktheid daarvan, ook gevorm is en dat julle derhalwe in alle
hemelliggame skoolgeboue moet sien wat Ek self gestig het om eendag
weer al My skepsele die geluksaligheid te kan skenk wat hulle eens vrywillig
prysgegee het en wat hulle nou ook weer vrywillig moet verwerf. Amen
Natuur katastrofes
8406 8 Februarie 1963
Julle moet nie dink dat julle niks uit eie krag kan verrig nie, wanneer dit
daarom gaan om onheil van julle af te wend wanneer julle deur ontketende
natuurgeweld bedreig word nie. Al is julle ook in besit van ‘n groot
lewenskrag, sodat julle meen om die aardse lewe se baas te wees, julle is
volkome onmagtig teenoor die gebeurtenisse of kragte wat deur die geweld
van die natuur teweeggebring sal word. Julle is daar aan oorgelewer en sal
die geweld daarvan slegs kan keer deur ‘n sterk geloof in My en innige
gebed. En tog lyk dit vir julle onmoontlik dat julleself getref kan word deur
natuur katastrofes, ofskoon voortdurende berigte van sulke katastrofes wat
op die aarde plaasvind, julle bereik.
Maar dit raak julle nie in die besonder nie, solank julle nie self daardeur
getref word nie. Julle sal nie iets as waarheid wil laat geld nie, omdat dit
nie vir julle welkom is nie, maar julle sal dit meemaak en dan sal hy
geseënd wees wat in ‘n God en Skepper glo, want aan Hom is alle Mag
gegee in die hemel en op aarde, want tot Hom sal hy roep om hulp wat
hom menslikerwys nie verleen kan word nie.
Of julle aards hoe ryk geseënd is en of julle liggaamlik teen alle eise
opgewasse is, julle sal julle swakheid en kragteloosheid besef in die
aangesig van die dreigende onheil wat oor julle sal kom Want dit is die
125