Deel 4 - Nuweopenbaring::: Welkom by Die Nuwe Openbaring

Die ellendige staat van die gevalle wesens sou ewige duur sonder die
versoenings offer. Die lyding van Jesus het egter vir ‘n beperkte tyd geduur
en Jesus het graag die offer vir My aan gebied, omdat Hy daardeur die hele
wêreld van die oersonde verlos, alhoewel elkeen die oomblik van sy
Verlossing self deur sy wil bepaal. Jesus het aan die kruis namens alle
mense van die verlede, hede en toekoms gesterf en Sy onmeetlike lyding
voorsien alle gevalle wesens van vergiffenis van hul oersonde. Die weg van
terugkeer na My is begaanbaar gemaak vir elke enkele wese en as gevolg
van Sy groter as groot liefde word mense die geleentheid gebied om weer
liefde in hulself te ontsteek, sodat hulle hul aard kan verander en die
eenheid weer kan plaasvind, wat sonder die verlossing van die oersonde
onmoontlik sou gewees het. Amen
Die ware verteenwoordigers van God word deur
Homself aangestel
8716 5 Januarie 1964
Wie hom vrywillig aanbied om My te dien, die het al ‘n sekere graad van
liefde bereik, wat die voorwaarde is om bruikbaar te wees vir diens in My
wingerd. En so kan julle almal, wat ernstig is om vir My en My ryk
werksaam te wees, ook daarvan oortuig wees dat Ek julle diens aanneem.
Nou gee baie mense hulle egter uit as “dienare van God”, maar dit is hulle
tog nie, omdat die voorwaarde ontbreek wat hulle waarborg om saam met
My te werk. Maar vir julle is dit nie altyd maklik om onderskeid te maak
nie, dit is nie altyd maklik om My ware dienare te herken nie, want ook die
ander praat met mooi woorde.
Maar hulle het geen persoonlike opdrag van My nie. Hulle gee hulle wel as
My dienare uit, maar is tog nie deur Myself in My diens aangestel nie. En
alleen die ware dienaar wat Ek Self in sy amp aangestel het, sal insien wie
in My Naam spreek, wie in waarheid werksaam is vir My en My ryk. Hy
herken elkeen wat My dien daaraan, dat hulle ook ‘n lewende verbinding
met My tot stand gebring het. Dat hy My as ’n God van liefde, as Vader
sien, met Wie hy as kind regstreeks in verbinding kan tree.
Maar meestal soek die mense en ook hulle wat meen aangestel te wees om
mense te lei, My nog baie in die verte. Hulle staan dus self nog ver van My
af en die innige vertroulike verbinding met My bring hulle nie tot stand nie.
En daarom kan dit nie gebeur soos met ’n ware, deur Myself aangestelde
dienaar, Dat hy regstreeks deur My onderrig word, dat hy elke opdrag direk
van My ontvang, dat hy vanuit ‘n innige verbintenis na My onderrig verlang
en dan ook die suiwer waarheid van My ontvang.
Wat nou nog in die wêreld bestaan, alle geestesstrominge, kerklike
instansies en organisasies, dit alles kan alleen nog maar as ‘n dop beskou
word waarvan die harde kern ontbreek, nl. die suiwer waarheid. Tog is daar
orals in en buite hierdie organisasies mense wat hierdie innige verhouding
337