Deel 4 - Nuweopenbaring::: Welkom by Die Nuwe Openbaring

julleself vrywillig prysgegee het. Dus ken julle dan ook julle opdrag wat
daarin bestaan om julleself tot liefde te verander, wat julle oerelement is.
Want julle is in julle diepste wese dieselfde as Ek. Julle is nou as mens
weliswaar nog ver van julle volmaaktheid verwyder. Julle is en bly egter
goddelike skepsele, wat nooit meer kan vergaan nie en vir wie se voltooiing
Ek altyd weer sorg sal dra, wat Ek nooit sal loslaat en wat eenmaal vas en
verseker die laaste doel sal bereik: Om met My in die innigste wyse verenig
te wees en te bly tot in alle ewigheid. Dat julle as mens weinig daarvan af
weet, lê slegs aan julle swak graad van liefde, anders sou julle die volste
insig besit het, maar dan sou julle voltooiing ook al naby gewees het.
Hierdie kennis word daaroor aan julle deur My gegee, sodra julle bereid is
om dit aan te neem. As julle maar verlang om iets te wete te kom oor die
samehang wat julleself, julle God en Skepper van die Ewigheid en die hele
skepping betref, dan sal julle waarlik in alle waarheid daaroor onderrig
word. Julle sal dan julle weg bewustelik oor die aarde gaan, met as doel die
uiteindelike vereniging met My. Julle sal die volmaaktheid bereik en ‘n lewe
in saligheid wat ewig voortduur. Amen
Die rede vir die skepping van die wesens - Die afval
van God
8566 22 Julie 1963
Glo dat Ek julle graag wil onderrig, wanneer Ek ‘n verlange in julle bemerk
na die suiwer waarheid. Van My gaan slegs "lig" uit, en die lig deurstraal
die duisternis. Julle is egter nog in ‘n gebied sonder lig, waar die lig na julle
gebring moet word, tot julle daarmee vervul is dat julle weer self die lig kan
laat uitstraal. Julle is egter bereid om My ligstrale te ontvang wanneer julle
opheldering begeer oor gebiede wat nog vir julle donker is. Want dan kan
Ek julle ook opheldering gee en Ek kan julle weer langsaam in ‘n toestand
van insig verplaas en julle kennis besorg wat julle salig sal maak. Dit moet
helder in julle word en julle moet weet vanwaar julle kom en wat julle
einddoel is. Maar hierdie kennis kan slegs Ek Self aan julle gee, want Ek het
julle tot My eie vreugde geskape.
Julle het uit Myself voortgekom, want My liefdeskrag het skepsele buite My
geplaas, volgens My ewebeeld wat as wesens selfstandig was, dit wil sê, Ek
het hulle as ‘n miniatuur van Myself geskep. Ek het hierdie skepsele lewe
gegee, dit wil sê, hulle kon skep en werk net soos Ek. Hulle kon ook My
stem verneem en het My dus ook as hulle God en Skepper geken en was
My toegewyd en buitengewoon salig. Maar van die voormalige ryk van die
salige geeste weet julle mense weinig of niks. Die ryk was egter in die
eerste plek geskape omdat Ek Myself in ewebeelde wou terug ken,
aangesien Ek vir My houers geskep het waarin Ek My liefde kon uitgiet.
Want dit was die aanleiding tot die skep van die geestelike wesens, wat
deur My eindelose liefde Homself wil skenk en Homself wou uitstort in
227