Deel 4 - Nuweopenbaring::: Welkom by Die Nuwe Openbaring

goed voel, julle sal in staat wees om die duisternis te kan deurdring en
gelukkig wees met die lig wat vir julle skyn. Die bedrieglike lig sal julle
egter verwar, julle sal dit nie tenvolle kan verstaan nie en daarom
ongemaklik voel, as julle in die suiwer waarheid geinteresseerd is. As julle
waarlik slegs die suiwer waarheid wil hê. Maar Ek ken Myne en so kan Ek
met hulle praat en hulle sal hul Vader se stem herken en sodra Ek Self met
hulle kan praat sal hulle vir tyd en ewigheid gered wees. En so is dit slegs
belangrik dat julle mense geen weg alleen begaan sonder om eers te bid vir
My begeleiding nie. Omdat die gebed My beskerming en My hulp waarborg
wanneer julle swak en nog te onervare is om self tussen ware en vals lig te
onderskei. Maar Ek sal die regte gedagtes in julle harte plaas en dan sal
julle altyd in waarheid lewe, omdat julle daarna streef.
Ek kan ooral vir My houers voorberei, wat alle vereistes vervul en so die
werk van My Gees in hulle toelaat. En elkeen met ‘n gewekte gees weet of
en ook wanneer Ek praat, omdat My skape My stem ken. En wanneer Ek
openbaringe na die aarde kan stuur sal Ek ook sorg neem vir hul
verspreiding. Maar My teenstander sal dieselfde doen deur ook met mense
te probeer kommunikeer wat liggelowig is en sy werk vergemaklik en hy sal
ook probeer om valsheid te versprei en mense te vind om hom te help om
dit te doen. Nietemin, sal die waarheid as ‘n helder stralend lig skyn, terwyl
die teenstander slegs bedrieglike ligte sal kan aansteek wat slegs die
duisternis sal verhoog en nie verdryf nie. Maar die mense se vrye wil moet
gerespekteer word en hierdie vrye wil moet die waarheid opreg wil hê en
dit van Myself vra.
Amen
Die proses van die ontvangs van die Woord
8482 29 April 1963
Julle mag nie moeg word om vir die waarheid op te kom nie. Dit sê Ek
steeds weer aan hulle wat die suiwer waarheid van My in ontvangs mag
neem, wat Ek Self daartoe uitkies om My as opnamehouer te dien waarin
Ek die stroom van My Gees kan laat invloei. Hulle word ook gekenmerk
deur ‘n sober, eenvoudige lewenswyse, van ‘n natuurlike aard en ‘n
ootmoedige instelling teenoor die groot barmhartigheidsgeskenk wat hulle
ontvang. Want die suiwer waarheid verdra geen ongewone begeleidende
verskynsels nie. So suiwer en helder as wat waarheid self is, wat van My
uitgaan, so rein en klaar sal die ontvanger van die waarheid ook uit My
wees, hoewel hy geen heilige hoef te wees om My as opnamevat te dien
nie. Want slegs selde bereik ‘n mens op aarde die volmaaktheid dat hy
heilig genoem sou kan word. Maar hy sal 'n bepaalde basis moet besit wat
My ongewone werksaamheid in en by hom toelaat.
En so sal die ontvangs van die Woord altyd op die natuurlikste wyse
plaasvind, sonder ongewone tekens of gebeurtenisse en die mens self sal
met beide voete stewig op die grond staan, hy sal van geen ekstase of
178