Deel 4 - Nuweopenbaring::: Welkom by Die Nuwe Openbaring

van die kant van My boodskappers aan, aan wie Ek Self die kennis
meegedeel het.
En Ek sal My barmhartigheidsgawe nog vir baie mense aanbied en vir hom
wat slegs na ‘n ligpunt verlang, sal dit straal. Dit sal hom lei in ‘n kennis in
waarheid wat hom ook gelukkig sal maak. Want Ek sal die gawe van My
liefde nog ryklik uitstort, voordat die einde kom en elkeen wat van goeie wil
is, kan sy gebrekkige toestand nog tot aan die einde verander. Hy kan die
lig aanneem en dit self vermeerder deur ‘n lewe in liefde en hy hoef die
einde nie te vrees nie, sodra hy eenmaal die doel en die bestemming van
sy lewe op aarde ken en die bestemming ook bewustelik nastreef. Want sy
wil het dan die korrekte beslissing geneem, hy verlang om na My terug te
gaan en sal dan ook sekerlik sy doel bereik. Amen
Die doel van die bestaan op aarde as mens
8571 27 Julie 1963
Beskou julle bestaan as mens slegs as ‘n kort fase van ‘n eindelose lang
ontwikkelings periode, wat egter van ontsaglike betekenis is, omdat julle in
die kort tyd ‘n wilsbeslissing sal moet neem wat julle lot in die ewigheid
bepaal. Want julle sal die ontwikkelingsgang tot ‘n goeie einde kan bring of
dit ook weer eindeloos verleng, wat vir julle siele, die eintlike Ek van die
mens geluksaligheid of kwelling beteken en julle dit self, as mens, beslis.
Julle mense dink daar weinig oor na, maar die tyd van die lewe op aarde
gaan vinnig verby en die uitslag van bostaande sal hom nou laat voel.
Steeds weer word julle daarvan in kennis gestel en tog skenk julle maar
weinig aandag aan wat julle gesê word, anders sou julle bewus lewe en
julle bes doen om die ware doel na te strewe. Julle sal dan egter ook moet
glo aan ‘n God en Skepper, aan Wie julle, julle bestaan te danke het en
julle sal met Hom ‘n verbinding tot stand moet bring, dan sal julle ook die
krag gegee word vir ‘n lewe op aarde volgens Sy Wil.
Julle sal op hoogte moet wees van die God en Skepper om julle onder Hom
en Sy Wil te stel. En julle sal moet weet hoe dit met julle bestaan as mens
gesteld is om nou ook in ooreenstemming met julle doel op aarde te lewe
d.w.s. die doel te bereik waarvoor julle op aarde is. En julle word daaroor
nie in onwetendheid gelaat nie, steeds weer word julle die Wil van God
bekend gemaak, dit maak nie saak op welke manier dit gebeur nie. Want
God spreek tot die mense, Hy spreek hulle regstreeks aan, sodra daar die
voorwaarde voor gegee is. Of Hy gee die mense opheldering deur
bemiddelaars. Maar nooit laat Hy die mense sonder kennis van Sy Wil
omdat hulle deur die kennis hul lewe op aarde op ‘n goeie manier lei en dus
hul ontwikkeling kan voltooi, solank hulle op aarde vertoef.
Maar hulle kan ook niks wil weet van welke opheldering dan ook, hulle kan
hulself verwyder van God, ongelowige word en geen diepere motivering van
die lewe op aarde aanneem nie. Hulle kan meen om self enkel en alleen
bewoners van ‘n skepping te wees, waar die lewe alleen maar die doel op
231