Deel 4 - Nuweopenbaring::: Welkom by Die Nuwe Openbaring

en met welke middele hy stry om nog die opperheerskappy in die eindtyd
te behaal, dan sou julle julleself nie verwonder dat soveel destruktiewe
geeste hulself manifesteer en dat die suiwer waarheid op alle moontlike
maniere van die kant van die duistere wêreld bestry word nie.
En steeds weer moet Ek vir julle sê: Vertrou op My deur julleself geheel en
al aan My oor te gee en My vir julle te laat sorg. Laat julle nie in die war
bring deur sataniese aktiwiteite nie. Want Ek sal julle die bewys lewer dat
My mag sterker is en ook hom teregwys, as die tyd gekom het. Glo dit dat
daar van die geesteryk ook sterk bande bestaan met die aarde en dat die
teenstander besonder hard aan die werk is en homself kamoefleer as die
helderste ligwese en hy kan, omdat die toestand van die siel van die mens
self hom die mag daartoe verleen het. Julle het geen idee van hierdie
demoniese kragte, wat in die eindtyd alles op die spel plaas om die mense
in die verderf te stort nie. Wie homself dig by My aansluit, het hierdie
kragte waarlik nie te vrees nie, al probeer hulle ook om alles te doen om
die siel, wat homself aan My toevertrou het, te verontrus.
Daar is in die eindtyd ook baie slegte geeste op aarde beliggaam, wat as
afgesante van die hel hulle meester dien en baie geestelike onheil aanrig.
Ook hulle is die vryheid gegee, want ook hulle sou verlossing kan vind van
‘n ewigdurende toestand van ellende, as hulle in die aardse lewe die
verlossing deur Jesus Christus sou wil aanneem.
Dit is deur demoon besete siele wie se tyd van beliggaming as mens gekom
het, wat egter nog geheel satanies ingestel is en hulle weerstand nie opgee
nie, wat nog geheel onder die invloed van die teenstander staan en vir hom
goeie handlangers is. In hulle gedagtes waan hulle om lig te versprei,
terwyl hulle maar steeds probeer om die lig uit te doof.
Hulle bevind hulself in die diepste nag en vind hulle weg nie uit die
duisternis nie. Tog moet hulle hulle weg op aarde in vryheid van wil aflê,
wat hulle ewe goed ook verlossing kan bring. En hierdie demoniese geeste
sal ook probeer om iedereen in versoeking te bring wat deur sy wil aan My
behoort. Maar altyd sal Ek Self tussen hulle en julle staan en hulle vrees My
en vlug vir die lig. Daarom, vrees hulle nie, solank julle julleself aan My
toevertrou kan julle niks oorkom nie en My vergrote toevoer van krag sal
julle iedere aanval laat afweer.
Julle mag nie deur hulle aangetas word nie, omdat Ek julleself sal beskerm
in alle nood en elke gevaar en omdat julle werksaam is vir My en daarom
ook altyd van My hulp verseker kan wees. Amen
Valse Christusse en profete
8487 4 Mei 1963
Pasop van valse Christusse en valse profete. Ek het julle oor hulle
gewaarsku toe Ek op aarde geleef het omdat Ek van die aktiwiteite van My
teenstander geweet het, van sy strikke en gewetenlose konkelary waardeur
hy probeer om julle mense in die verderf te trek. Hy gebruik alle middele
181