Deel 4 - Nuweopenbaring::: Welkom by Die Nuwe Openbaring

die ewige ordening verset en hulle gedagtes het sy eie weë gegaan. En
daar het ‘n ongelooflike chaos in die leër van die oergeskape geeste
ontstaan, wie nou ook moes beslis aan wie hulle wil behoort, wat ‘n
afvalligheid van talle wesens van My tot gevolg gehad het. Maar Ek het dit
nie verhinder nie, want Ek het daarin die weg tot ‘n nog groter saligheid
gesien, wat Ek vir die geskape wesens kon berei. Hulle het wel in alle
volmaaktheid uit My voortgekom en was egter tog nog steeds net My
werk.
Nou egter, na hulle afvalligheid van My, het hulle die moontlikheid om as
"kinders" tot My terug te keer waardeur hulle ‘n saligheid verkry wat hulle
oorspronklike saligheid vèr oortref. Maar die vrye wil moet hierdie
terugkeer tot stand bring, want eers dan het die wese heeltemal
onafhanklik van My, van My mag en My Wil geword. En tog kan hy homself
aan My Wil oorgee, omdat hy nou deur die bereikte volmaaktheid heeltemal
in My Wil opgegaan het. Op hierdie weg terug tot My bevind julle mense
julleself nou, wanneer julle oor hierdie aarde gaan. En wanneer julle van
goeie wil is, kan My liefdeslig julle weer deurstraal. Julle kan dan die insig
weer terugwin wat julle eens besit het, maar vrywillig opgegee het.
Ek ken geen groter saligheid as om julle hierdie kennis te laat toekom nie,
as om julle steeds weer My groot liefde aan te bied en julle toestand,
sonder lig en kennis te verander, sodat julle weer tot onbegrensde saligheid
kan kom. Sodat julle, julle doel kan bereik en terugkeer as kinders na My
toe, julle Vader van die ewigheid, Wie se liefde oor julle besorg is en vir
ewig besorg sal wees, omdat julle eens uit Sy liefde voortgekom het. Amen
Waarom spreek God die mense aan?
8568 24 Julie 1963
Mense, dink julle net in wat dit beteken wanneer julle God en Skepper Self
tot julle neerbuig om julle aan te spreek, want Hy het een doel voor oë
daarmee, wat julle nie kan verstaan of deurgrond nie. Ek self buig My na
julle toe oor om julle aan te spreek en dus moet dit baie belangrik wees dat
julle My aanspreking verneem, sodat ‘n bepaalde kennis deur My aan julle
gebring kan word waar Ek dit die nodigste ag. Dit is nie net vermanings en
waarskuwings wat Ek julle laat toekom nie, maar Ek probeer om julle vlak
van insig te verhoog en gee julle aanwysings op welke manier dit moontlik
is. Vir eers wil Ek die duisternis, waarin julle mense julleself bevind, van
julle af wegneem en daarom wil Ek julle ook die rede van hierdie erge
duisternis vertel en hoe julle dit kan ophef. Ek wil lig aan julle skenk, omdat
duisternis ‘n onsalige toestand vir julle is en julle in die duister nie die ware
weg na die lig van die dag sal vind nie.
Julle het die lig en insig prysgegee, want julle ken My nie meer nie, julle
God en Skepper, Wie julle Vader wil wees. Julle weet niks meer van julleself
nie, want dit was by die begin van die tye waar julle julleself afgewend het
en waarom julle op aarde is. En dit is hierdie toestand sonder insig, wat nie
229