Deel 4 - Nuweopenbaring::: Welkom by Die Nuwe Openbaring

deur Myself uitgestraal is, wat ewig bly wat hulle was, naamlik goddelike
skepsele van dieselfde oersubstansie as wat Ek Self is. Nadat julle totaal
verander was tot wesens is julle van alle goddelike eienskappe ontneem.
Dog hierdie toestand duur nie vir ewig nie, maar verander ook weer, sodat
hulle oorspronklike natuur weer tevoorskyn kom, sodat hulle weer skep en
werk in alle volmaaktheid soos Ek, dat hulle weer tot My ewebeeld word en
dan ook sal bly tot in alle ewigheid.
As julle daaroor nadink dat julle van Myself uitgegaan het, dat die hoogste,
volmaakte Wese julle geskape het vanuit Sy liefde, dan moet julle
heeltemal opbloei en geen ander verlange meer hê as om weer te wees wat
julle in die begin was nie. En julle gebrekkigheid en swakheid, wat julle nou
insien, moet julle baie nederig laat word en julle tot innige gebed aanspoor
dat Ek julle mag help om weer so te word, dat julle julleself met My kan
verenig. En waarlik, julle sal barmhartigheid ontvang in oorvloed, want
hierdie wil open vir My julle harte en Ek kan dit nou ook vul met My
liefdeskrag, wat dit nou vir julle moontlik maak om julle te verander en
weer julle oerwese aan te neem.
En daar aan moet julle altyd weer dink dat julle van Myself uitgegaan het.
Dat julle Myne is en ook sal bly, omdat Ek niks opgee wat aan My behoort
nie. En al het julle julleself ook vrywillig van My afgewend en volhard het in
julle weerstand teen My; julle is en bly deur My eens uitgestraalde
liefdeskrag wat onherroeplik ook eens weer na My toe terugstroom, omdat
dit ‘n wet is van die ewigheid.
Maar die eie besef van julle herkoms sou vir julle die terugweg verkort,
want dan besef julle dat julle goddelike skepsele is, dan is dit reeds die
eerste tree op die terugweg na My. Want eens wou julle My nie erken as
julle God en Skepper van die Ewigheid nie en dit was julle val. Dit was
hoogmoed wat julle laat meen het om die toevoer van My krag te ontbeer,
en wat sodoende julle ellendige toestand veroorsaak het.
Was julle egter in die aardse lewe van julle goddelike afkoms bewus, dan
weet julle ook dat julle slegs in verbinding met My, weer lig en krag kan
ontvang; dat julle slegs wanneer My liefdeslig helder deur julle straal, julle
goddelike eienskappe weer kan terugwen en dat dit nie onmoontlik is om
weer in julle oertoestand binne te gaan nie. Dat julle waarlik tot God kan
word, soos dit in die allereerste begin julle bestemming was. Beskou julle
julleself egter as swerwers op aarde sonder doel, as kreature wat net soos
ander skeppings die wêreld bevolk en verganklik is; dan is julle gees totaal
verduister en die weg is nog eindeloos lank tot julle uiteindelike terugkeer,
tot vanwaar julle uitgegaan het, tot julle God en Vader van die Ewigheid.
Dan sal julle ook in die doel van julle lewe op aarde geen sin of bedoeling
sien nie. Julle gedagtes is slegs op die aardse gerig en julle gee self
uitdrukking aan julle totaal veranderde wese, deur julle verkeerde houding
teenoor My - julle God en Skepper.
119