Deel 4 - Nuweopenbaring::: Welkom by Die Nuwe Openbaring

Ook duisend jaar gaan eens verby en so ook sal die verlossingsperiode
waarin julle julleself bevind, eens sy einde vind, want eens moet ‘n nuwe
tyd begin, al is dit ter wille van die baie geestelike wat in die
skeppingswerke gekluister is, wat moet deurgaan in hulle ontwikkeling. En
weer sê Ek julle maar net, julle staan naby daar aan.
Maar Ek herhaal hierdie woorde steeds weer met so ‘n aandrang, dat julle
tog agterdogtig sou moet word. Ek trag altyd maar weer om arbeiders te
wen in die laaste tyd voor die einde, omdat Ek hulle dringend nodig het met
die oog op wat gaan kom, Ek laat julle mense ‘n kennis toekom wat
ongewoon is, sodat julle ook My voorspellings leer begryp, sodat julle sal
weet welke beweegredes die aankondigings ten grondslag lê.
En daarom laat Ek dit na julle toe kom, omdat die einde baie naby is en
omdat julle daardeur sal mag glo dat My woorde in vervulling gegaan het.
Maar ook nou kan Ek nie die tyd vermeld as Ek nie ‘n eindelose chaos oor
julle wil laat losbars nie. Want ‘n presiese kennis van die dag en die uur sou
julle in ‘n ontsettende verwarring stort, maar geen groei vir julle oplewer
nie. Ek kan julle steeds weer en steeds dringender daarop wys dat julle met
die vervulling van alle voorspellings rekening sal moet hou, dat julle
julleself nie daarop sal mag verlaat dat julle dit self nie meer sal meemaak
nie.
Geen mens weet die uur van sy dood nie en so ook weet geen mens of
hyself deur dit wat aangekondig is, deur die grote vernietigings werk en sy
voorbodes, die ongewone natuur gebeure, verras sal word en hy alles moet
meemaak wat hom in die eindtyd sal afspeel nie, want Ek sê julle steeds
weer: Julle staan vlak daarvoor en julle het nie veel tyd meer nie en sal
elke dag en elke uur daarop moet reken, dat Ek deur die elemente van die
natuur My op ‘n ongewone wyse sal openbaar, en dan sal julle ook weet dat
die einde nie meer ver is nie.
Daarom moet julle lewe volgens My Wil. Julle sal al die gebeure sonder
vrees tegemoet kan gaan. Julle sal julle slegs moet verbind met My deur
werke van liefde, gebed en deur veelvuldige denke aan My en waarlik, julle
sal geen skade ly aan julle siele nie, selfs wanneer Ek julle vroegtydig
wegroep.
Maar Ek sal julle ook liggaamlik beskerm, wanneer dit My Wil is dat julle My
nog moet dien tot die einde. Maar reken nooit daarop dat Ek julle inwy met
betrekking tot die tyd nie, want op geen enkele manier sou dit vir julle wat
My dien, van nut wees nie, maar ook nie vir julle medemens nie, wie se
toestand van volwassenheid so ‘n kennis gladnie verdra nie. Maar wat vir
julle maar moontlik is, om die medemens in kennis te stel van dit wat kom,
van My heilsplan van ewigheid en te vertel van die oneindige Liefde van die
Vader, Wie al Sy kinders sou wou red voor die einde, doen dit en verrig so
vir My ‘n baie vrugbare werk in die wingerd nog tot aan die einde. Want
elke siel wat nog gered word, is wins vir My, wat Ek waarlik sal beloon.
Amen
193