Deel 4 - Nuweopenbaring::: Welkom by Die Nuwe Openbaring

self draer van die ewige Godheid, omdat hy anders nie sou kan bestaan as
hy nie met My Liefdeskrag deurstroom sou wees nie.
En so kan die mens hom, Myself voorstel as sy gelyke omdat julle almal
ewebeelde is van My. Maar tog is julle beperkte wesens, julle is slegs ‘n
deel van My wat solank as beperk beskou moet word as wat julle nog
onvolmaak is. Word julle weer volkome soos julle dit was in die allereerste
begin, dan vind ook weer die samensmelting met My plaas. En dan sal julle
julleself ook eerder ‘n begrip kan vorm van die Godheid, ofskoon Ek vir julle
in My diepste Wese ondeurgrondelik is en sal bly. Maar dan lê julle ook
geen beperkte maatstaaf meer aan nie, soos julle dit as mens doen en
waardeur julle denke ook dikwels verkeerd is.
Ek is ‘n Gees, d.w.s. vir julle menslike sintuie ‘n nie waarneembare Wese,
wat egter tog bestaan en daarom ‘n Wese is, omdat julle in alles wat Ek
laat ontstaan ‘n sin en ‘n bestemming kan sien, dus tot ‘n denkende en
willende Mag kan besluit. En daarom moet julle julleself ook met hierdie
Mag, wat deur julle nie ontken kan word nie, verbind. Want hierdie
verbinding, die vereniging, laat julle eers insien dat julle in julle
oorspronklike substansie dieselfde is. Wanneer hierdie Mag julle dus
aanspreek, dan spreek Ek nie julle uiterlike omhulsel, julle liggaam aan nie,
maar hom wat homself in die omhulsel bevind, wat julle as goddelike
ewebeeld kenmerk: julle gees, wat julle deur My toegevoeg word en deel is
van My, wat julle eens afwys, wat egter weer as nietige vonkie in julle gelê
word t.b.v. julle bestaan as mens. Of met andere woorde: Ek spreek tot die
ewig onverganklike in julle, Ek spreek tot dit wat aan Myself behoort, wat
egter nou as vonkies deur My uitgestraal, hom in julle menslike liggaam
bevind.
En dit is weer ‘n bewys dat Ek Self My in julle, My skepsele wil terugvind,
en julle daarom ook onskeibaar met My bly verbind, omdat My Gees
ondeelbaar is, omdat My Liefdeskrag julle die bestaan verseker, omdat julle
vir ewig nie kan vergaan nie, want julle is deur My uitgestraalde krag wat
volgens die wet van ewigheid ook weer moet terugkeer na die Bron van
Krag. Eers in ‘n toestand van volmaaktheid, begryp julle dit alles, julle sal
dan nie meer baie begrensd dink nie en julle sal dan ook weet dat Ek ‘n
Wese is aan Wie dan al julle liefde behoort. Julle sal dan ook weet dat Ek
Self die Liefde is en julle sal dan begryp waarom julle as mens nie in staat
was om dit alles te begryp nie.
Want solank Ek Self; My Gees en My Liefde nie geheel besit van julle kan
neem nie, omdat julle nog nie volmaak is nie, solank kan Ek julle ook nie
deurstroom dat die helderste lig in julle is nie. Maar Ek werk in julle sover
dit moontlik is, sover julle staat van volwassenheid dit toelaat, om julle
steeds meer lig te skenk, sodat julle eenmaal tot voltooiing kom. Amen
266