Deel 4 - Nuweopenbaring::: Welkom by Die Nuwe Openbaring

Maar wie glo dit? Wie glo dat julle ‘n eindelose lang tyd voor julle bestaan
as mens afgelê het en wie maak daaruit die afleiding: om op die laaste stap
van julle terugkeer na die Vaderhuis te wees en om My julle hele wil te
offer en eindelik die lang tyd van julle ontwikkeling te beëindig? Wel sou
julle dit alles kan glo, julle sal egter alles moet doen om nou die afsluiting,
die vry word uit die vorm, te bereik. Dog wie kan julle die teendeel
daarvan bewys? van dit, wat julle regstreeks van My verneem? Wie kan die
sin en die doel van die aardse lewe anders verklaar? En waarom glo julle
hom, wat die lewe as doel in sigself laat voorkom?
Omdat ‘n geestelike duisternis julle omhul, wat die werk is van My
teenstander, wat julle van My wil afrokkel. En hierdie geestelike duisternis
kan alleen opgehef word deurdat Ek julle die regte verklaring gee, maar dit
aan julle moet oorlaat of julle dit aanneem om julle vrye wil te eerbiedig.
En as Ek julle voor die gees stel dat julle weer gekluister word in die vaste
materie, as Ek julle daarteen waarsku, julle aanspoor, julle wil bevry uit die
laaste ketting, dan moet dit tog My Liefde vir julle bewys, Wie julle wil
terug wen. Julle glo dit egter nie. Julle glo veeleeder aan ‘n totale vergaan
na julle liggaamlike dood. Julle sal vergaan, maar nie julle geestelike nie,
maar alle bewussyn word weer van julle afgeneem, julleself egter gaan
weer die smartlike weg van ontwikkeling na omhoog.
O, as julle tog sou wil glo, as julle tog sou wil insien dat julle onverganklik
is en alles weer daarheen geplaas word, waar dit volgens die toestand van
volwassenheid behoort te wees; dat julle julleself kan vrymaak van die
materiele vorm en eindelik, na ‘n eindelose lang tyd, weer terug sal kan
keer in julle Vaderhuis; dat julle almal in die kort tydjie van julle aardse
lewe die wil sal moet op bring om die laaste afvalstof van julle siele kwyt te
raak. Dan sal julle waarlik niks onbeproef laat nie, want die heerlikhede wat
vir julle wag in die ryk hierna is onvergelyklik.
Waar haal julle egter die sekerheid vandaan dat na die lewe alles verby is?
Wie kan julle daarvoor ‘n bewys lewer? Julle plaas verstandelik denke
teenoor My openbaringe. Julle verstand is egter aan die invloed van My
teenstander onderworpe as julle wil nie op My gerig is nie. En vandaar ook
die groot geestelike duisternis, want hy wil julle in geestelike duisternis hou
om julle die weg na My nie te laat vind nie.
En Ek kan alleen deur ongewone gebeurtenisse indruk op julle maak,
waardeur julle mede skade berokken word. En geseënd is hy wat dan tot
geloof aan My kom, geseënd is hy wat daarna verlang om in die waarheid
onderrig te word. Ek sal My aan hom openbaar en hom help om tot insig te
kom. Want Ek het medelye met al My skepsele en wil hulle bevry van hul
kettings wat die teenstander nog nie loslaat nie, omdat hulle ‘n te swak wil
het om hulself te kan bevry sonder die toevoer van krag uit My, wat Ek hul
egter nie kan laat toekom solank hulle wil nog van My afgewend is nie.
Amen
426