Deel 4 - Nuweopenbaring::: Welkom by Die Nuwe Openbaring

weerspreek. Derhalwe as ‘n persoon nie die suiwer waarheid herken nie is
sy graad van volwassenheid nog so laag dat My teenstander hom as ‘n
houer kan gebruik om tallose mense weer te bedrieg deur hom en hulle in
valsheid te lok. Die waarheid sal vir altyd en ewig dieselfde bly, dit
verander nie en kan nie aan een persoon as dit en aan ‘n ander as dat
aangebied word, wat sy oer wese betref nie.
Julle mense sal altyd waaksaam moet wees as julle die suiwer waarheid wil
besit, sodat julle nie verstrik word deur die teenstander wat altyd ywerig op
dieselfde manier te werk gaan en hy ook suksesvol sal wees as die persoon
onverskillig is of sensasie wil hê, wat hy verwag deur kontak met die
bonatuurlike wêreld. Wat Ek die mense aanbied sal altyd in die raamwerk
van die natuurlike wet plaasvind en die inhoud sal ‘n ware soeker die
sekerheid gee dat Ek Self die Bron is en hy sal met blydskap die geestelike
inligting aanvaar, dit sal sy kennis verhoog, sy innerlike lig en dan sal geen
valsheid hom meer kan verwar nie want hy sal dit identifiseer en dit
teëstaan. Maar tog sal die aktiwiteit van My teenstander nie verminder nie
en die mense gee hom die reg daartoe. As hulle altyd slegs die suiwer
waarheid verlang sal hy nie kan inmeng nie, in die geval sal slegs My
boodskappers van lig aan die werk wees, wat alle onsuiwer sal afweer en
die mense beskerm teen sy invloed. En julle maatstaf vir waarheid kan
altyd toegepas word deur hoe Jesus en Sy verlossingswerk en My menslike
verskyning in Hom aan julle beskryf word. Slegs deugsame, verligte
geestelike wesens, bestaan in uiterste waarheid en gee dit ook aan mense
op My instruksie deur.
Sodra die Godheid en Jesus aan julle as twee wesens beskryf word, word
julle nie in waarheid onderrig nie, want Ek en Hy is een. Ek Self, die
hoogste en mees volmaakte Gees in ewigheid, openbaar Myself in die mens
Jesus, in Sy menslike omhulsel, om ‘n sigbare God vir julle, My geskape
wesens te word, Wie julle met julle hele hart kan liefhe en wat ook deur
julle bemin wil word. En julle moet die Gees glo wat dit aan julle bring.
Amen
Die geloofwaardigheid van mediumieke
ontvangstes
8695 7 Desember 1963
Julle wat van My die opdrag het om die suiwer waarheid te versprei, moet
ook self oor alles onderrig wees om vir julle ‘n helder oordeel te kan vorm
oor die waarde van geestelike resultate wat deur julle medemens as
waarheid uitgedra word. Julle moet weet, dat waardevolle sowel as
waardelose verbindinge met die geestelike wêreld tot stand gebring word.
Dat uit alle sfere van die geesteryk wesens hulself aan julle wil laat hoor,
dat hulle hulle gedagtes op julle probeer oorbring en die mens kan nouself
bepaal, welke wesens hom kan benader.
320