Deel 4 - Nuweopenbaring::: Welkom by Die Nuwe Openbaring

en ook nooit daarna ‘n mens volbring het of sal volbring nie, deur al op
aarde Hom geheel met My te verenig en die totale vergeesteliking van siel
en liggaam tot stand te bring, so dat die hele Wese volledig deurstraal kan
word, wat Sy hemelvaart duidelik tot uitdrukking bring. In Hom kon Ek Self
My kenbaar maak, d.w.s. Ek Self as die ewige Godheid, as die alles
vervullende en deurdringende Krag, kan nooit as persoon voorgestel word
nie. Maar Ek kon ‘n vorm heeltemal deurstraal en daar bly by hierdie vorm
niks menslikes meer oor nie, ook die uiterlike vorm was Gees van My Gees,
die Siel gaan volledig in My op en “Jesus" word in letterlike sin “God”. Sy
wil, Sy denke en Sy handel was My Wil, My denke en My handel. Daar kan
nie meer van twee Wesens gepraat word nie. Die vereniging met My was
totaal, Jesus was, is en bly Die, vir alle deur My geskape wesens, sigbare
God. Jesus se siel het met Sy eie-bewussyn in Sy Oerwese teruggekeer,
want Hy was dieselfde uitgestraalde Liefdeskrag, wat Hom enkel met die
Oerkrag verenig en so volledig in Hom opgaan, sodat nou alleen nog van
die Oerkrag, van God Self, die alles vervullende Oergees, gepraat kan word
wanneer oor Jesus gepraat word.
Sy, Jesus se siel keer nie as volmaakte gees van die aarde af terug nie,
maar Hy gee Homself, nog op aarde, geheel en al as geskenk aan die ewige
Godheid, Hy gee Homself prys terwille van die grootste misterie: die
menswording van God en Sy sigbaar word vir alle wesens wat eens uit Hom
voortgekom het.
God en Jesus is een, Jesus is geen tweede Wese met eie-bewussyn nie,
inteendeel, Sy weg oor die aarde het Hom die hoogste en laaste opgelewer:
die totale versmelting met My, sodat My Wil en My denke enkel en alleen
die Wese beheers, wat as sigbare God heers en regeer in die geesteryk.
Maar om dit te begryp sal vir julle eers moontlik wees, wanneer daar vir
julle geen afgebakende voorstellinge meer bestaan nie en ook dan nog sal
My Wese vir julle ondeurgrondelik wees en bly, maar julle sal julle God en
Skepper, die volmaakte Wese in die oneindigheid mag sien van aangesig
tot Aangesig en dan sal julle ook weet, dat daar buiten Hom, Wie vir julle in
Jesus sigbaar is, geen ander God bestaan nie.
En julle sal in liefde ontbrand en na Hom toe snel altyd en ewig en Hy sal
julle liefde beantwoord en julle bomate gelukkig maak. Want My Liefde ken
geen grense en so sal ook die geluksaligheid nie begrens wees nie, maar
ewig duur. Amen
Die lae geestelike peil van die mense vereis ‘n einde
van die aarde
8427 3 Maart 1963
Wie eenmaal deurdronge is in geestelike kennis kan hom ook ‘n oordeel
veroorloof oor die geestestoestand van die mensdom; en hy sal insien dat
daar ook geen geestelike vooruitgang op hierdie aarde meer moontlik is
138