Deel 4 - Nuweopenbaring::: Welkom by Die Nuwe Openbaring

kan nie verander en ook nie vergaan nie en daarom sal My liefde tot in alle
ewigheid na julle uitgaan. Dit sal julle volg in die diepste diepte om julle
ook daar uit te bevry. Nooit sal Ek julle in hierdie diepte stort nie, nooit sal
Ek vir ewige verdoem wat uit My voortgekom het nie, selfs as julle, julle
teen My verset en My liefde afwys. Maar My liefde sal niks onaangeroer laat
om julle My skepsele aan te spoor om weer nader te kom tot My. En My
liefde sal julle liefde probeer wen, tot julle so in vurige liefde tot My
ontbrand en die verbinding met My soek. En dan sal ook weer onbegrensde
saligheid julle lot wees, soos dit in die begin van die tyd was, toe julle, julle
nog nie teen die aanstraling van My liefde verweer het nie.
Aan julle mense op aarde is My Wese verkeerd voorgestel. In die beste
geval vrees julle My as julle My as ‘n Mag erken, wat alles laat ontstaan
Maar julle waag dit nie om as kinders na My te kom en My om iets te vra
nie, omdat julle My oorgrote liefde nie ken wat Hom aan julle wil skenk nie,
maar daartoe julle vrywillige tegemoet komendheid verlang. Ek wil egter
nie alleen as ‘n God van Mag erken word nie maar te-reg as ‘n God van
Liefde, en daarom openbaar Ek My steeds weer aan die mense wat
ontelbare male in die aardse lewe deur nood of smartlike gebeurtenisse
heen gaan, maar steeds word hulle weer daar uit bevry.
En hulle kon My dan as ‘n God van liefde sien, wat alles weet en steeds
weer tot hulp bereid is. Want Ek benader elke mens in die aardse lewe
meermale. En as hy maar oplet, dan sal hy ook ‘n hoër leiding kan herken
in sy aardse lewensloop, in sy noodlot en in alle gebeurtenisse wat hom
oorkom.
Maar Ek openbaar My ook aan die mense deur die Woord. Ek spreek hulle
aan en gee hul daarmee ook ‘n teken van My groot liefde, deurdat Ek hulle
vermaan en waarsku, deurdat Ek hul raad en troos gee, deurdat Ek
heeltemal begryplik die doel van hul aardse lewe uitlê en hul krag en hulp
beloof vir hul aardse lewe, omdat dit tot die doel, nl. die vereniging met
My, moet lei. Want die Vader verlang vurig na sy kinders uit Wie se liefde
hulle voortgekom het en die Liefde sal nooit sy kinders opgee nie.
Maar solank die mens God’s liefde nie insien nie omdat hy deur verkeerde
leerstellings alleen geleer het om God te vrees, solank sal die kind ook nie
die ware verstandhouding met die Vader tot stand bring nie en sodoende
word die terugkeer tot My in gevaar gebring. Julle sal daarom elke leer wat
julle vrees inboesem vir julle God en Skepper as dwaalleer kan afwys, want
Ek het ontferming met die grootste sondaar en probeer hom te help, maar
dit is nie so dat Ek sy ellendige toestand wat hy oor homself gebring het,
nog vererger nie.
Ek verdoem nie maar verhef al die gevallenes na bo. Ek straf nie maar die
mense straf hulself deur hul sondeskuld, Ek probeer hulle verlossing bring.
En wat julle as ‘n strafgerig aansien is slegs ‘n regverdige vereffening en ‘n
daad van hulp van My kant, omdat ooreenkomstig die wet elke vergryp
teen My orde van ewigheid sy uitwerking moet hê. Alles wat deur hierdie
93