Deel 4 - Nuweopenbaring::: Welkom by Die Nuwe Openbaring

julle eens as Sy ewebeelde uit Hom voortgekom het in alle volmaaktheid en
ook weer volmaak moet word.
En julle geluksaligheid bestaan hierin dat julle onafgebroke op My aanstuur,
en hierdie geluksaligheid het geen einde nie omdat die strewe om by My te
wees nooit sal ophou nie, want in die staat van volmaaktheid is alles
onbegrens, sowel vir My as ook vir julle. Julle sal die begrip "volmaaktheid"
ook nie kan begryp nie, omdat julle denke nog begrens is solank julle op
aarde vertoef.
En hoe onvolmaakter julle na julle wese nou nog is, des te minder is julle in
staat om Myself en My Wese te begryp en dit is dan ook vir My teenstander
nie moeilik om vir julle ‘n vals beeld van My te gee nie, dat Ek voorgestel
word as ‘n hoogs onvolmaakte wese wat behep is met eienskappe wat nie
goddelik is nie, soos regterlike onbarmhartigheid en liefdeloosheid, wat
ewig verdoem en onedele gevoelens, soos wraaksug, wat vergeldings-
maatreëls tref vir oortredinge. Maar Ek veroordeel nooit, inteendeel, Ek is
in Liefde steeds bereid om julle te help.
My teenstander probeer My aan julle voor te stel as ‘n onvolmaakte wese
sodat julle My julle liefde weerhou. En die valse beeld van My sal Ek steeds
weer blootlê as ‘n leunveldtog van My teenstander en julle steeds weer
verduidelik dat julle in My ‘n God van Liefde, Wysheid en Mag sal kan sien.
Dat julle ‘n volmaakte Wese kan herken aan Wie julle, julle liefde sal kan
skenk, waarna Ek vurig verlang, omdat julle My kinders is, wat My Liefde
nie meer sal verloor nie, selfs wanneer hulle hul in vrye wil van My afkeer.
Want ‘n Wese wat volmaak is, kan nie haat en verdoem nie, Hy sal Hom
alleen steeds inspan om Sy skepsele uit die toestand van onvolmaaktheid
te bevry, sodat hulle hul weer met die Wese kan verbind vir ewig.
En daarom onthul Ek julle ‘n duidelik beeld van My, van die alles
vervullende krag van My Liefde, wat in Wysheid werksaam is en ook julle
geskape het. Ek ontsluier julle die doel wat Ek My gestel het by die skep
van alle wesens en ook die heilsplan wat lei tot vergoddeliking van die
wesens.
Ek omklee julle alles met rede, sodat julle waarlik My Liefde, Wysheid en
Mag sal kan insien, want sodra julle dit alles in waarheid voorgehou word,
skyn vir julle weer swak die lig van insig, al is dit nog in geringe mate en
julle begin julleself te sien as My, deur My in die lewe geroepte, skepsele.
Die waarheid sal ook in julle ‘n vonkie liefde ontsteek en julle sal dan
steeds dieper daarin deurdring, julle sal weet dat julle julleself bevind op
die weg wat terugvoer na My, van Wie julle julleself eens vrywillig verwyder
het en daardeur julle volmaakte wese totaal verander en onvolmaak
geword het. Wat julle egter weer met My moet verenig, moet volmaak
wees en dit moet vrywillig My Wil binnegaan, waarteen dit eens gesondig
het. Dog sodra julle My Wese, wat in Homself Liefde, Wysheid en Mag is
herken het, sal julle julleself ook weer vrywillig aan My Wil onderwerp. En
daarom onthul Ek julle My Wese, wat alleen weer kan gebeur deur My
189