Deel 4 - Nuweopenbaring::: Welkom by Die Nuwe Openbaring

egte middel tot genesing weet. En ooreenkomstig hul bereidheid om te
help en hul liefde tot die swakke en lydende medemens, sal hul genesings
ook slaag.
Dog uiteindelik is My wil beslissend vir elke genesing en dit stel daarom ook
‘n grens aan die werk van ‘n mens, as Ek die effek van ‘n langdurige siekte
vir die siel van die sieke as waardevol insien. My wil is dit wat die lot van ‘n
mens bepaal, waartoe ook siekte behoort, waarby die menslike wil ondanks
alle middele wat aangewend word niks kan bereik nie. Dog Ek sal dit nie
veroordeel as die mense middele probeer vind wat die lyding sal verminder
nie, want solank die liefdevolle wil om te help aanleiding is tot hierdie
ondersoeke solank sal ook My seën daarop rus.
Is egter die verwerf van aardse goedere die dryfveer om sulke middele te
vervaardig, dan sal dit meestal sonder effek wees, of selfs skadelik vir die
menslike liggaam ondanks skynbare beterskap. Dog omgekeerd kan die
onskuldigste middele voldoende wees om ‘n genesing te veroorsaak as dit
My wil is en Ek die tydstip van genesing, as gekom ag.
‘n siekte moet vir al die verbinding met My in die hand werk. Die mens
moet sy toevlug tot My neem, hy moet My om genesing vra, dan sal Ek
hom die mense laat tee kom wat hul bes wil doen om die sieke te genees,
wie se gedagtes Ek kan lei omdat hulle met My verbind is deur ‘n lewe in
liefde volgens My wil.
Sulke deur My begenadigde genesers is egter maar selde te vind en meer
as ooit gryp die mense daarom na sulke middele wat deur die werk wat nie
geseën is geproduseer word. Dog dan sal nog die liggaam nog die siel
genesing kan boek omdat Ek dit deur sulke middele nie toelaat nie. Dit kom
by My daarop aan dat die siel gehelp word soos nodig, ook sonder die wil
van ‘n mens. Ek wil dat hy hom deur die siekte van die wêreld afwend, wat
baie makliker gaan as hy geen gevolg meer kan gee aan die wense van die
wêreld nie.
Julle mense kan dus altyd die hulp van ‘n arts inroep, maar die genesing
bepaal Ek. En sy poging sal slegs dan deur My geseën wees as die dryfveer
tot sy arbeid in die eerste plek liefde tot die naaste is. En ook alleen dan sal
julle genesing vind as julle uit julle siekte voordeel getrek het vir julle siele.
Dat julle julleself oorgee aan My en My wil, wat julle met geduld julle lyding
dra en My daarvoor bedank dat julle siele groot wins behaal het, as julle in
julle siekte die proef deurstaan het.
Julle kan egter ook deur ‘n rotsvaste geloof in My en My liefde van elke
siekte bevry word, soos Ek in My aardse lewenswandel die mense kon
genees "wie se geloof hulle gehelp het". Want vir My is niks onmoontlik nie,
en as julle liefde so diep is dat dit ‘n lewende en sterk geloof voortbring dan
sal julle ook geen sekonde aan My liefde en mag twyfel nie. En dan kan
julle ook onmiddelik gesond word, omdat die genesing dan geen
geloofsdwang vir julle is omdat julle dan al ‘n rotsvaste geloof besit.
286