Deel 4 - Nuweopenbaring::: Welkom by Die Nuwe Openbaring

volmaakte Wese ook Sy doel sal bereik, nl. Om al die deur Hom geskape
wesens gelukkig te kan maak. Vir julleself moet dit nou ‘n aansporing wees
om onvermoeid te strewe na julle voltooiing, want dit sal julle salighede
berei in oorvloed.
En tog sal dit vir julle onbegryplik wees en ook bly dat Ek My tot julle, My
skepsele neerbuig en julle aanspreek, dat Ek vir julle ewig onbereikbaar is
en bly en tog in diepste Liefde elke afsonderlike skepsel omvat en na My
trek. Dat Ek Myself en My Wese vir julle probeer meer begrypliker maak om
julle liefde te wen, omdat Ek My alleen kan verbind met die liefde, dus is
die liefdeband noodsaaklik om julle eenmaal gelukkig te kan maak.
Die volmaakste Wese, die grootste Gees van die oneindigheid die ewige
Krag en Ligbron soek Self die verbinding met julle, Sy skepsele en Hy
spreek julle daarom aan. Hy buig Hom neer tot die geringste om hom te
help omhoog gaan. En hierdie groot Gees is niemand anders nie as Ek, julle
hemelse Vader. Kan julle nou My Liefde begryp? En nooit sal hierdie Liefde
minder word nie omdat die Liefde geen beperking ken nie en omdat Ek
alles salig wil maak wat eens uit My voortgekom het. Amen
Die tekens van die eindtyd
8277 20 September 1962
Julle kan seker daarvan wees dat alles vervul sal word wat Ek deur sieners
en profete verkondig het, want die einde kom steeds nader en julle sal deur
die tekens van die tyd herken in welke uur julle leef. Steeds sal die
teenwerping weer gemaak word dat ‘n einde altyd in moeilike tye gevrees
word en dat die aarde tog verder bly bestaan. Dat tot My dissipels gereken
het op ‘n spoedige wederkoms van Myself en dat ook hulle hulself vergis
het. Sodanig sal hulle ook nou geen gehoor en geen geloof aan My
aankondigings skenk nie, ofskoon Ek steeds daarop wys dat die toekoms
eenmaal teenswoordige tyd sal word. Omdat julle mense nou op so ‘n lae
geestelik peil is, maak dit ‘n einde van die aarde noodsaaklik, waaronder
egter slegs ‘n totale omvorming van die aardoppervlak te verstaan is, maar
geen vernietiging van die skeppingswerk aarde nie. Want die aarde moet
ook verder sy opdrag in die heelal vervul, hy sal verder mense dra met die
doel om hulle siele te laat volwasse word. Maar hierdie aarde moet weer
geskik gemaak word daarvoor.
My woord is die waarheid en wanneer Ek vir julle My woord van Bo laat
toekom en My verlossingsplan vir julle uiteensit en julle alle samehang laat
weet, dan wil Ek waarlik daarmee net bereik dat julle My waarskuwings en
vermanings gelowig sal aanneem en julle houding teenoor My in
ooreenstemming daarmee sal bring. Want julle moet verder kyk as net julle
daaglikse lewensloop, julle moet nadink oor wat voor julle lê. Want ten
eerste weet julle sekerlik dat julle moet sterwe en julle lewe self nie met
een dag kan verleng nie, ten tweede dat julle afhanklik is van die Mag wat
julle in die lewe geroep het.
52