Deel 4 - Nuweopenbaring::: Welkom by Die Nuwe Openbaring

nie, maar wat deur elkeen herken kan word wie in waarheid wil lewe en
daarom God Self vra, as Ewige Waarheid. Daar sal heelwat misleiding
tydens die laaste periode voor die einde wees, maar God sal weet hoe om
die gevolg van dit te lei, omdat Hy die harte van hulle wat gewillig is ken,
wat nie ten prooi aan die teenstander se gedoentes wil val nie. en Hy hulle
inderdaad in waarheid sal lei. Amen
Beloftes betreffende Goddelike openbaringe
8284 26 September 1962
“Ek sal My aan julle openbaar”, dit is My belofte wat ook julle, wat sulke
openbaringe wil ontken, nie kan ontken nie. Maar hoe kan Ek Myself aan
julle openbaar as julle nie glo dat My Woord die waarheid is nie, wat Ek Self
tot julle gespreek het toe Ek op aarde was?
Ek wil Myself aan julle openbaar en My enigste vereiste is dat julle My
liefhet en My gebooie onderhou. Nietemin ignoreer julle My belofte, anders
sal julle trou luister en My openbaringe verwelkom. Julle leer uit die
Geskrifte, die Boek van boeke, maar glo nie wat daar geskryf staan nie,
want dit bevat baie meer beloftes wat My werking deur die Gees aankondig
waardeur Ek Myself wil openbaar.
Hoe verklaar julle dan My Woorde: "Ek sal julle die Trooster stuur"... "Ek
sal met julle wees tot die einde van die aarde"? En die woorde: "Van julle
lendene sal strome van lewende water vloei"? En, "Ek sal My Gees oor alle
vlees uitstort"? Waarom glo julle nie dat die Vader bly praat met sy kinders
nie? Waarom beperkt julle My aktiwiteit tot ‘n mate wat vir julle
aanneemlik is?
Julle moet besef dat met julle verstandelike denke julle baie kwaad kan
doen as julle, julle harte ignoreer, as julle nie julle harte toelaat om te
spreek en ‘n baie beter leraar vir julle te wees nie. Julle wil die direkte
kontak van My skepsele met My teenwerk en dink dat dit onmoontlik is dat
Ek Self met My kinders praat, hoewel Ek ook sê: "My skape ken My stem".
Daarom moet Ek met hulle praat; Ek doen dit en sal dit deur alle ewigheid
doen.
Slegs wat uit My mond kom is die Suiwer Waarheid, daarom moet julle dit
ook as die waarheid neem wat in die Skrif geskryf is en wat julle My Woord
noem.
Ek moet aanhou praat met die mense aangesien julle onvolmaak is en julle
My Suiwer Woord vervorm of verkeerd vertolk.
Daarom streef eers na die opwekking van julle gees, poog om My evangelie
van liefde wat Ek op aarde onderrig het uit te leef, dan sal julle denke
verlig word en helder wees, en julle sal verlang dat Ek My aan julle
openbaar. Julle sal om bewys van My aanwesigheid vra en julle sal dit
inderdaad ontvang, want julle geloof sal lewend word en ‘n lewendige
verbinding met My sal tot stand gebring wees. Wat julle eerder nie kon glo
nie sal nou duidelik vir julle wees. Naamlik dat die Ewige Vader, julle God
57