Deel 4 - Nuweopenbaring::: Welkom by Die Nuwe Openbaring

vuur wat die lig van die wysheid uitstraal. ‘n Liefdesvonkie is in julle gelê as
Goddelike deeltjie wat met My, die Ewige Liefde in verbinding staan. En
sodra julle in vrye wil hierdie vonk in julleself laat ontbrand, streef dit na
die Oerlig en vandaar uit straal die lig in die vorm van ‘n diep wysheid
terug. Julle word wetend, deur die "lig van die insig" verlig en julle denke is
korrek en bevind homself in die waarheid.
En hierdie waarheid wil Ek julle laat toekom, sodat julle, julle opdrag op
aarde kan insien en vervul. En dus moet julle kennis hê van julle oerskuld
en van My heilsplan van die Ewigheid. En die belangrikste wat julle moet
weet is die verlossing deur Jesus Christus, My menswording in Hom en dat
julle oor alles onderrig moet word, dat julle nie by Jesus Christus mag
verbygaan as julle eendag die Ewige Lewe wil verwerf nie. Hy het op die
aarde gekom om die Evangelie van die Liefde aan die mense te predik, om
aan hulle die korrekte lewenswandel voor te stel en die korrekte weg te
wys wat tot die Ewige Lewe voer.
Maar die mense, belas met die oersonde, sou nie hulle doel kon bereik het,
solank hierdie oersonde nie van hulle weggeneem was nie. En die
verlossingswerk van Jesus, met Sy dood aan die kruis het dit eers tot stand
gebring. Hy het die werk van versoening vir hierdie skuld volbring en kon
dit as mens alleen volbring, omdat Ek self in Hom was, want My wese is
liefde. Die liefde is nie net ‘n eienskap van My wese nie, maar Ek is die
liefde Self. Dit sal julle nie kan begryp solank julle op die aarde leef nie, en
tog kan My menswording in Jesus slegs op hierdie manier vir julle begryplik
gemaak word, sodat die Eenwording vir julle nie meer twyfelagtig sal lyk
nie.
My wese kan nie as persoon voorgestel word nie, maar in Jesus vorm My
alles omvattende Gees homself tot iets wat julle vir julleself kan voorstel.
Die totale versmelting van Jesus met My het egter eers plaasgevind nadat
die verlossingswerk volbring was, om welke rede Jesus gedurende Sy lewe
op aarde soms ook gespreek het oor die Vader as oor "Iemand buite
Homself”, wat tog nog steeds op die Eenheid dui. Die mense het hulself in
die tyd van Sy lewe op aarde in ‘n verduisterde toestand bevind en ‘n lig,
dit wil sê, ‘n duidelike insig in die verlossingswerk kon slegs vir weiniges
gegee word wat hulself bewustelik onder die kruis geplaas het; wat verlang
het om verlos te word en hulself so in vrye wil oorgegee het aan Jesus, en
om vergewing van hulle sondeskuld gebid het.
Daarom bly die geestestoestand van die mense duister. En op die
verlossingswerk, die grootste daad van ontferming van die Goddelike liefde,
word geen ag geslaan nie en Jesus sal slegs as mens ‘n begrip bly; Sy
verlossingswerk word egter afgewys. Die mensdom bly daarom ook met die
oerskuld belas, hulle bly geestelik in die duisternis en besef ook nie die lig
as dit by wyle uitstraal nie; want hulle sluit die oë om dit nie te sien nie.
Maar die lig van Bo laat homself nie meer uitdoof nie. Want steeds sal daar
mense wees wat die geestesvonk in hulself sal laat ontbrand en nou ook
155